Tradycyjnaja akcyja «Čarnobylski šlach», jakuju demakratyčnyja siły pravodziać 26 krasavika, u 2017 hodzie projdzie pad łozunhami nieadkładnaha spynieńnia budaŭnictva astravieckaj AES.
Pra heta BiełaPAN paviedamiŭ staršynia Partyi BNF Alaksiej Janukievič pa vynikach pasiadžeńnia arhkamiteta pa praviadzieńni mierapryjemstva 15 lutaha ŭ Minsku.
«Damovilisia, što asnoŭny akcent padčas akcyi budzie rabicca na patrabavańniach nieadkładnaha spynieńnia budaŭnictva AES. Usie arhumienty adnosna asablivaściaŭ reaktara, jakaści placoŭki taksama važnyja, ale druharadnyja. Asnoŭny kansalidujučy pasył — spynieńnie budaŭnictva», — adznačyŭ jon.
Farmat i maršrut akcyi budzie vyznačany na pasiadžeńni arhkamiteta. «Siońnia prahučali roznyja mierkavańni. U vyniku vyrašyli pačakać da 17 sakavika, kali možna budzie acanić pratestavy patencyjał akcyj suprać dekreta № 3 ab «darmajedach», praviadzieńnie jakich namiečana na 17 lutaha i 15 sakavika. Z ulikam taho, jak projduć hetyja akcyi, budzie prymacca kančatkovaje rašeńnie i ab farmacie praviadzieńnia «Čarnobylskaha šlachu», — paviedamiŭ Janukievič.
Akramia taho, pavodle jaho słoŭ, 15 abo 22 krasavika płanujecca praviadzieńnie kanfierencyi, pryśviečanaj temie budaŭnictva AES, u tym liku i z udziełam mižnarodnych ekśpiertaŭ.
U skład arhkamiteta «Čarnobylskaha šlachu», akramia Partyi BNF, taksama ŭvachodziać Biełaruskaja partyja «Zialonyja», ruch «Za Svabodu», Abjadnanaja hramadzianskaja partyja, arhkamitet pa stvareńni partyi «Biełaruskaja chryścijanskaja demakratyja», kampanija «Jeŭrapiejskaja Biełaruś» i asobnyja pradstaŭniki hramadskaści.
-
Viktar Łukašenka zaśviaciŭ na pasiadžeńni NAK svoj hadzińnik — ciažki luks
-
Viačorka: Cichanoŭskaja z Koŭłam abmiarkoŭvała varyjant z amnistyjaj, pry jakoj nie adkryvajucca novyja spravy i spyniajucca minułyja
-
Što viadoma pra chakiejnaha sudździu, zatrymanaha pa padazreńni ŭ zabojstvie ciažarnaj minčanki
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks14
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu77
Kamientary