Jak pieradaje rasijskaja słužba Bi-bi-si, Jeŭrapiejski parłamient uchvaliŭ rezalucyju, prapanavanuju eks-premjeram Bielhii i adkaznym za pieramovy ab «breksicie» Hi Vierchofstatam, pra ŭzmacnieńnie centralizacyi Jeŭrapiejskaha Sajuza i stvareńnie pasady ministra finansaŭ ES i supolnaj jeŭrapiejskaj armii.
Vierchofstat padtrymlivaje fiederalizacyju ES u procivahu, jak jon kaža, nacyjanalistam-pratekcyjanistam.
Za rezalucyju prahałasavali 283 jeŭradeputaty pry 269 hałasach suprać i 83 tych, chto ŭstrymaŭsia.
Adabreńnie Jeŭraparłamienta moža aznačać pačatak reformy asnovatvornaj damovy ES.
Bielhijski palityk ličyć, što ŭnutry Jeŭrasajuza nieabchodna addavać pryjarytet rašeńniu bolšaści krain, nie čakajučy adabreńnia ŭsich členaŭ ES pa tym ci inšym pytańni.
Jak adznačajuć karespandenty, pa sutnaści Vierchofstat prapanuje abmiežavańnie abo navat poŭnuju likvidacyju prava krain Jeŭrapiejskaha Sajuza admaŭlacca ad vykanańnia kalektyŭnych rašeńniaŭ.
Vice-prezident Jeŭrakamisii Frans Tymiermans, adnak, zajaviŭ, što źmianieńnie asnovatvornych damoŭ ES ciapier nie źjaŭlajecca pryjarytetam.
Sioleta Jeŭrasajuz čakajuć vybary ŭ Francyi, Hiermanii i Niderłandach — u kožnaj z hetych krain apytańni pakazvajuć, što papulisty-jeŭraskieptyki mohuć raźličvać na značnuju padtrymku nasielnictva.
Tak, lidarka francuzskaha «Nacyjanalnaha frontu» Maryn Lo Pen choča, kab rašeńnie brytancaŭ pakinuć Jeŭrasajuz spravakavała efiekt damino va ŭsioj Jeŭropie.
Hi Vierchofstat uznačalvaje libieralny błok u Jeŭraparłamiencie i ličycca lidaram jeŭrapiejskich fiederalistaŭ, jakija vystupajuć za pašyreńnie i ŭmacavańnie sajuza.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii5
Kamientary