Biełaruś, jakaja źjaŭlajecca asnoŭnym pastaŭščykom małaka ŭ Rasiju, zarablaje na jaho eksparcie ŭ RF bolš za 3 miljardy dalaraŭ, zajaviŭ kiraŭnik Minsielhasa RF Alaksandr Tkačoŭ, vystupajučy na źjeździe Asacyjacyi sialanskich haspadarak i sielskahaspadarčych kaapieratyvaŭ, piša ria.ru
Deficyt małaka ŭ nas u krainie — kala 7 miljonaŭ ton, i heta małako my zavozim ź Biełarusi, trochi ź inšych krain — ale ŭ asnoŭnym biełaruskaje małako. Heta hałoŭny pastaŭščyk na rasijski rynak. Ja liču, što svaju prablemu małaka jany vyrašyli jašče piać hadoŭ tamu, nakarmili ułasny narod, 15 miljonaŭ čałaviek [nasamreč u Biełarusi žyvie krychu mieniej za 10 młn — NN]. I praktyčna takuju ž kolkaść pastaŭlajuć na rasijski rynak i na hetym zarablajuć ni mnoha ni mała bolš za 3 miljardy dalaraŭ», — skazaŭ Tkačoŭ.
«Ja liču, heta sprava pryncypu — heta našy dachody, našy pracoŭnyja miescy, padatki. Heta vaša sapraŭdnaje i budučaje. Tamu treba ŭziacca vielmi mahutna za vyrašeńnie charčovaj prablemy ŭ krainie, i ja liču, što fiermiery pavinny ŭznačalić hety praces», — dadaŭ jon.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary