Namieśnik staršyni Dackaj narodnaj partyi Sieren Eśpiersien zajaviŭ ab žadańni viarnuć niamiecki Šleźvih Danii. Pra heta jon zajaviŭ u intervju kanału DK4, paviedamlaje «JeŭraPraŭda» sa spasyłkaj na Abendblatt.
«My chacieli b, kab Danija raspaścirałasia da Ajdera (raka na poŭnačy Hiermanii), ale, viadoma ž, heta pavinna być inicyjatyva dackaj mienšaści», — zajaviŭ Eśpiersien.
Ajder padzialaje fiederalnuju ziamlu Šleźvih-Halštejn. Na praciahu niekalkich stahodździaŭ terytoryja ŭvachodziła ŭ skład Danii.
«Čamu my nie pavinny hetaha chacieć? Ja pra heta maru i na heta spadziajusia», — zajaviŭ palityk.
Dackaja narodnaja partyja źjaŭlajecca druhoj pa vieličyni parłamienckaj partyjaj u Danii i na praciahu mnohich hadoŭ — partnioram va ŭradzie mienšaści. U apošni čas jaje padtrymka pamienšała, adnak jana składaje 15%.
Dackaja mienšaść u Hiermanii składaje 100 tysiač čałaviek. Samaja vialikaja hrupa žyvie ŭ Šleźvihu i składaje 42 tysiačy.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda33
Kamientary