Škołam zabaranili źbirać danyja ab płanach dziaciej na kanikułach
Nacyjanalny centr abarony piersanalnych źviestak zajaviŭ, što takoje dapuščalna tolki ŭ krajnich vypadkach.
Škoły nie majuć prava źbirać danyja ab płanach vučniaŭ na kanikułach. Zapaŭnieńnie takich ankiet niekatory čas praktykavałasia ŭ škołach paśla 2020 hoda. Adnak, jak akazałasia, heta nie nadta zakonna.
Nacyjanalny centr abarony piersanalnych źviestak prapracavaŭ hetaje pytańnie ź Minadukacyi. U centry zajavili, što škoły nie mohuć źbirać ankiety, jakija źmiaščajuć infarmacyju ab miescy znachodžańnia navučencaŭ u pieryjad kanikuł, uklučajučy proźvišča, imia, imia pa baćku, stupień svajactva i kantaktnyja danyja asob, ź jakimi dzicia znachodzicca padčas kanikuł, piša BiełTA.
Źbirać takuju infarmacyju škoła moža tolki ŭ asobnych vypadkach, jakija prapisany ŭ zakonie. Naprykład, pry pryznańni dziciaci jak taho, chto znachodzicca ŭ sacyjalna niebiaśpiečnym stanoviščy.
Pry hetym nie ŭdakładniajecca, ci mohuć škoły źbirać danyja ab tym, jak dzieci praviali kanikuły, to-bok užo postfaktum.
-
Jarasłaŭ Ramančuk daje prahnoz, kali skončycca vajna. I raskazvaje, čym ciapier zajmajecca i jak jaho šakavali zajavy Babaryki
-
Supracoŭnika KDB, što byŭ va ŭkrainskim pałonie, viarnuli ŭ Rasiju, a zatym asudzili ŭ Biełarusi nie mienš čym na 10 hadoŭ
-
Pamior papularny błohier pa nieruchomaści, jaki mieŭ bolš za 100 tysiač padpisčykaŭ
Kamientary