Alaksandr Łukašenka vykazaŭ udziačnaść prezidentu Hruzii Hieorhiju Marhviełašvili «za bratoŭ-hruzin», «tempy rostu» i «adstojvańnie intaresaŭ Biełarusi». Ab hetym kiraŭnik dziaržavy zajaviŭ na sustrečy z hruzinskim kaleham 1 sakavika ŭ Pałacy Niezaležnaści ŭ Minsku.
«Vitaju vas jak siabra!», — haścinna źviarnuŭsia da Hieorhija Marhviełašvili Alaksandr Łukašenka. U svajoj pryvitalnaj pramovie jon adznačyŭ, što, vyzvalajučy Biełaruś, «palehła šmat bratoŭ-hruzin», dadaŭšy, što heta nie zabyvajecca.
«My litaralna za niekalki hadoŭ z vami ažyćciavili praryŭ u našych adnosinach, i siońnia da vialikaha zadavalnieńnia, chaj heta jašče nie toj tavaraabarot, jaki pavinien być, ale paŭdarohi my prajšli», — miarkuje biełaruski prezident. Łukašenka taksama padkreśliŭ, što takich tempaŭ rostu, jak z Hruzijaj, niama ź nivodnaj krainaj, u pryvatnaści ź JEAES.
Jon taksama padziakavaŭ Hieorhiju Marhviełašvili za pazicyju hetaj krainy ŭ mižnarodnych arhanizacyjach, ES, na pieramovach z zachodnimi dziaržavami, dzie Hruzija padtrymlivaje i adstojvaje intaresy Biełarusi. «Ja vam za heta vielmi ŭdziačny!» — pryznaŭsia Alaksandr Łukašenka.
«Z našaha z vami naviedvańnia vašaha ŭźbiarežža Čornaha mora turystyčny biźnies až na 30% za adzin-paŭtara hoda pavialičyŭsia. Hruziju našy ludzi z zadavalnieńniem adkryvajuć druhi raz i hatovyja jechać tudy adpačyvać, znajomicca ź vialikimi dasiahnieńniami staražytnaha hruzinskaha naroda. Dumaju, u takim tempie my i budziem supracoŭničać», — adznačyŭ prezident Biełarusi, dadaŭšy, što krainy nikoli nie siabravali «suprać kahości».
«Dazvolcie padkreślić toj zachapleńnie, jakoj ja adčuvaŭ siońnia, prajazdžajučy pa vulicach Minska!» — zajaviŭ prezident Hruzii. Jon padziakavaŭ prezidentu i narodu Biełarusi za adkrytaść, «jakuju adčuvaje tut užo ź pieršych chvilin».
Marhviełašvili taksama adznačyŭ, što niadaŭni vizit Łukašenki ŭ Hruziju nadaŭ absalutna novy impuls adnosinam, a narody i adčuvali, i adčuvajuć i siabroŭstva, i dobrasusiedstva, i ciahu adzin da adnaho.
«Hruzija i razumieje, i padtrymlivaje Biełaruś. My zachoplenyja tymi dasiahnieńniami, jakija ŭ vas my nazirajem i ŭ sielskaj haspadarcy, i ŭ vysokich technałohijach», — adznačyŭ prezident Hruzii.
«Choć my ŭ handlovym aśpiekcie abjadnalisia ź ES, a Biełaruś raźvivaje svajo ekanamičnaje sadružnaść u Jeŭrazijskim sajuzie, ale toje, što my stvaryli, imknučysia praz roznyja farmaty adkrytyja adzin adnamu varoty i mahčymaści — heta prykład taho, jak pavinny supracoŭničać krainy», - padkreśliŭ Hieorhij Marhviełašvili.
Paśla hetaha prezidenty adpravilisia na pieramovy. Znosiny pamiž prezidentami projduć u farmacie «sam-nasam», a taksama ŭ pašyranym składzie z udziełam členaŭ delehacyj. Baki abmiarkujuć šyroki kompleks pytańniaŭ raźvićcia dvuchbakovaha supracoŭnictva, asablivaja ŭvaha budzie nadadziena aktyvizacyi handlova-ekanamičnaha ŭzajemadziejańnia. Pa vynikach pieramoŭ čakajecca padpisańnie šerahu dvuchbakovych dakumientaŭ.
***
Biełaruski ekspart u Hruziju ŭ minułym hodzie vyras u 2,6 razu, da 57,4 młn dalaraŭ, impart źniziŭsia na 29,6%, da 15,8 młn. Pastaŭki ŭ Hruziju biełaruskaha małaka vyraśli ŭ 1,7 razu da 2 młn dalaraŭ, hruzavikoŭ pastaŭlena na 2,4 młn dalaraŭ (rost u 11,6 razu), lekaŭ - na 2,1 młn dołaraŭ (minus 7,7%), elektryčnych transfarmataraŭ - na 1,6 młn (rost u 2 razy), šyn - na 0,8 młn (minus 38,9%), plitki - na 0,3 młn (rost u 3,4 raza).
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary