Pucin choča, kab Jeŭropa pryznała miežy Rasii z zachoplenymi terytoryjami — Bloomberg
Uładzimir Pucin choča zaviaršyć vajnu suprać Ukrainy da kanca hetaha hoda, ale tolki na ŭmovach, jakija jon sam budzie ličyć «pieramožnymi» dla Rasii, śćviardžaje vydańnie sa spasyłkaj na krynicu. Heta moža być naŭmysnym źlivam.
Uładzimir Pucin choča zaviaršyć vajnu suprać Ukrainy da kanca hetaha hoda, ale tolki na ŭmovach, jakija jon sam budzie ličyć «pieramožnymi» dla Rasii, piša Bloomberg sa spasyłkaj na surazmoŭcu, znajomaha ź situacyjaj.
Havorka, u pryvatnaści, idzie pra poŭny kantrol nad Danbasam.
Taksama, pavodle danych ahienctva, Pucin imkniecca da šyrejšaha pahadnieńnia pa biaśpiecy ź Jeŭropaj, jakoje faktyčna pryznavała b terytaryjalnyja zdabytki Rasii.
U toj ža čas pres-sakratar Kramla Dźmitryj Piaskoŭ abvierh, što Pucin pastaviŭ niejki dedłajn dla zaviaršeńnia vajny.
Akramia taho, surazmoŭcy Bloomberg kažuć, što siarod rasijskaj elity raspaŭsiudžvajecca niervovaść. Niekatoryja vysokapastaŭlenyja čynoŭniki Kramla ličać, što vajna zajšła ŭ tupik i nie maje vidavočnaha šlachu da zaviaršeńnia.
Kamientary