Urad Šviecyi 2 sakavika viernie vajskovy pryzyŭ — prajekt viartańnia da pryzyŭnoj armii padtrymali ŭsie partyi parłamienta.
Šviecyja admianiła pryzyŭ siem hadoŭ tamu. Niahledziačy na toje, što z pačatku XIX st. Šviecyja nie ŭdzielničała ŭ nivodnaj vajnie, u 1901 h. u karaleŭstvie byŭ uviedzieny vajskovy abaviazak. U hady chałodnaj vajny słužbu pa pryzyvu prachodziła da 85% mužčynskaha nasielnictva Šviecyi. Z tych časoŭ kolkaść pryzyŭnikoŭ pastupova skaračałasia.
Da 2005 hoda vajskovaabaviazanymi ličylisia tolki mužčyny, ale z 2010-ha było dazvolena pryzyvać i žančyn. U tym ža hodzie pryzyŭnuju armiju vyrašyli całkam zamianić prafiesijnaj.
U pačatku 2016 hoda było praviedziena apytańnie, jakoje pakazała, što bolš za 70% žycharoŭ krainy padtrymlivajuć viartańnie vajskovaha abaviazku.
Čynoŭniki tłumačać viartańnie pryzyvu «rasijskaj pahrozaj».
2 sakavika Pieter Chultkvist zajaviŭ vydańniu Nyheter24, što rašeńnie ŭrada źviazana z ahresijaj Rasii va Ukrainie, a taksama z častymi vypadkami špijanažu i «inšymi kryzisami, u tym liku na Blizkim Uschodzie».
Adnak isnuje i inšaja pryčyna: niežadańnie žycharoŭ Šviecyi iści ŭ prafiesijnuju armiju.
Kiraŭnik Minabarony ŭ intervju «Šviedskamu radyjo» pryznavaŭ, što ŭrad «sutyknułasia ź ciažkaściami», sprabujučy padtrymać kolkaść dobraachvotnaj armii na nieabchodnym uzroŭni.
Vajskovy abaviazak nie budzie ŭsieahulnym.
Pieršy pryzyŭ adbudziecca 1 lipienia 2017 hoda. Śpiarša 100 tysiačam maładych ludziej, jakija naradzilisia ŭ 1999 i 2000 hadach, razašluć paviedamleńni i ankiety, pryśviečanyja vajskovaj słužbie. Zatym ź ich vybieruć 13 tysiač čałaviek, čatyrom tysiačam ź jakich treba prajści vajskovuju słužbu ŭ 2018 i 2019 hadach.
U dalejšym miarkujecca pastupova pavialičyć kolkaść pryzyŭnikoŭ da 8 tysiač čałaviek u hod. Šviedy, jakija naradzilisia da 1999 hoda, buduć vyzvalenyja ad pryzyvu.
Asnovu vojska pa-raniejšamu buduć składać kantraktniki
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary