Pastaŭki syru niekatorych biełaruskich pradpryjemstvaŭ u Rasiju mohuć być zabaronienyja. Pra heta paviedamiła pres-sakratar Raśsielhasnahladu Julija Miełano.
Pad ryzyku zabarony patrapiła pradukcyja AAT «Ašmianski syrarobny zavod» (filijał AAT «Lidski małočna-kansiervavy kambinat») i filijała pa vytvorčaści syroŭ AAT «Rahačoŭski MKK». Raśsielhasnahlad ŭžo vyjaviŭ niekalki parušeńniaŭ u ich pradukcyi.
U syrach vytvorčaści hetych pradpryjemstvaŭ byŭ znojdzieny kansiervant natamicyn (Je235).
U syrach «Ašmianskaha syrarobnaha zavoda» jon byŭ znojdzieny ŭ kancentracyi, jakaja pieravyšaje normu. U syrach «Lidskaha małočna-kansiervavaha kambinata» ŭzrovień jaho ŭtrymańnia byŭ u normie, ale sama jaho prysutnaść nie ŭkazvałasia na etykietcy. U vyniku, suprać pradukcyi hetych pradpryjemstvaŭ viedamstva ŭviało režym ŭzmocnienaha łabaratornaha kantrolu.
«Kali ŭ režymie ŭzmocnienaha kantrolu jašče choć raz buduć vyjaŭlenyja parušeńni, my budziem padymać pytańnie ab zabaronie pastavak z hetych pradpryjemstvaŭ. Albo prasić biełaruski bok ŭvieści samaabmiežavańnie», - paviedamiła Miełano.
Ciapier čytajuć
Połk Kalinoŭskaha paviedamiŭ pra hibiel troch bajcoŭ2
Kamientary