Пастаўкі сыру некаторых беларускіх прадпрыемстваў у Расію могуць быць забароненыя. Пра гэта паведаміла прэс-сакратар Рассельгаснагляду Юлія Мелано.
Пад рызыку забароны патрапіла прадукцыя ААТ «Ашмянскі сыраробны завод» (філіял ААТ «Лідскі малочна-кансервавы камбінат») і філіяла па вытворчасці сыроў ААТ «Рагачоўскі МКК». Рассельгаснагляд ўжо выявіў некалькі парушэнняў у іх прадукцыі.
У сырах вытворчасці гэтых прадпрыемстваў быў знойдзены кансервант натаміцын (Е235).
У сырах «Ашмянскага сыраробнага завода» ён быў знойдзены ў канцэнтрацыі, якая перавышае норму. У сырах «Лідскага малочна-кансервавага камбіната» ўзровень яго ўтрымання быў у норме, але сама яго прысутнасьць не ўказвалася на этыкетцы. У выніку, супраць прадукцыі гэтых прадпрыемстваў ведамства ўвяло рэжым ўзмоцненага лабараторнага кантролю.
«Калі ў рэжыме ўзмоцненага кантролю яшчэ хоць раз будуць выяўленыя парушэнні, мы будзем падымаць пытанне аб забароне паставак з гэтых прадпрыемстваў. Альбо прасіць беларускі бок ўвесці самаабмежаванне», - паведаміла Мелано.
Каментары