Niahledziačy na previentyŭnyja zatrymańni niekalkich važakoŭ pratestaŭ, a taksama lidaraŭ apazicyi, što kiravalisia ŭ Brest ź Minska, ludzi sabralisia na płoščy Lenina. Staršynia harvykankama Alaksandr Rahačuk zaprasiŭ ludziej na hutarku ŭ aktavuju zału harvykankama, ale pahadziłasia tolki nievialikaja kolkaść pratestoŭcaŭ. «Jon ničoha nie vyrašaje!» — kryčali z natoŭpu.
Da mitynhu dałučylisia anarchisty, jany i zavodzili skandavańni. «Anarchisty zrabili dzień», — kaža błohier-strymier Siarhiej Piatruchin.
Pakolki funkcyju lidaraŭ uziali na siabie anarchisty, to heta pieršaje šeście, što prachodzić pad čornym ściaham, a nie bieł-čyrvona-biełym. Ale «Žyvie Biełaruś» skandavali, a taksama «Basta!» i «Nie dekretu numar try! Łukašenka, uchadzi». Masavaj była padtrymka i jašče dvuch łozunhaŭ: «Niet zarpłaty, jesť nałoh — dieputatu v košielek!» i «Nastojaŝij darmojed — tot, kto vydumał diekriet».
Anarchisty paviali šeście praz horad, vulicami Puškinskaj i Savieckaj. Pa darozie šeście razrasłosia da niekalkich tysiač čałaviek. Ludzi z hankaŭ kramaŭ padtrymlivali demanstrantaŭ apładysmientami.
Padtrymać pratestoŭcaŭ u Bieraście pryjechaŭ i adzin z važakoŭ pratestaŭ u Homieli, błohier Maksim Filipovič.
Pry kancy z trybuny bieraściejcaŭ zaklikali 11 sakavika padtrymać anałahičny pratest u Pinsku.
14:06
13:57
Тым часам актывіст АГП Мікалай Казлоў паспеў дабрацца да Брэста. Лябедзька і Рымашэўскі застаюцца ў Бярозаўскім РУУС.
13:56
13:53
На наступным тыдні таксама плануецца некалькі акцый. У пятніцу, 10 сакавіка, у Маладзечне, у суботу — у Пінску, у нядзелю, 12 сакавіка, у Оршы, Бабруйску і Рагачове.
13:51
Людзі пачынаюць разыходзіцца.
13:46
У шэсці ўзялі ўдзел некалькі тысяч чалавек. Далучылася да шэсця шмат людзей з вуліцы. Людзі працягваюць скандаваць: «Лукашэнка, ухадзі».
«Грамадзяне, паглядзіце, як нас шмат!» — дзівуецца жанчына.
13:42
Шэсце прайшло вуліцай Савецкай, выйшлі да ЦУМа.
13:41
Мінакі апладзіруюць удзельнікам шэсця. Па ацэнках Сяргея Пятрухіна, у шэсці бярэ ўдзел некалькі тысяч.
13:40
Брэсцкія стрымеры павялічылі ацэнку колькасці ўдзельнікаў шэсця да некалькіх тысяч чалавек.
13:38
Людзі скандуюць: «Жыве Беларусь».
13:38
Паколькі функцыю лідараў узялі на сябе анархісты, то гэта першае шэсце, што праходзіць пад чорным сцягам, а не бел-чырвона-белым. Але «Жыве Беларусь» скандуюць.
13:34
Калона расце па меры руху. Дайшла да кінатэатра «Беларусь».
13:32
Калона працягвае шэсце вуліцамі Брэста. «Нет зарплаты — есть налог, депутата кошелек. Настоящий дармоед — Тот кто выдумал декрет».
13:31
«Нет зарплаты, есть налог — депутату в кошелек!» — заводзяць анархісты. «Настоящий дармоед — тот, кто выдумал декрет»
13:29
Міліцыі на вуліцах няма.
13:29
У Берасці сёння сонца і плюс 16, дарэчы.
13:27
У калоне да тысячы чалавек ідзе. Людзі скандуюць «Баста! Баста!».
13:26
Міліцыі пакуль няма. Пакуль усё спакойна.
13:26
Па ацэнках стрымераў, колькасць пратэстоўцаў дасягнула 1000 чалавек.
13:25
Такой маніфестацыі Берасце не бачыла ад 2011 года.
13:23
Калона дайшла да рогу Пушкінскай і Савецкай.
13:23
Удзельнікі ідуць па Пушкінскай.
13:22
«Улады рабуюць народ», — скандуюць удзельнікі. Анархісты вельмі радыкальныя.
13:20
Удзельнікі шэсця скандуюць: «Сыходзь, сыходзь».
13:18
Да шэсця далучаюцца новыя людзі. Калона вырасла і ўступіла на вуліцу Пушкінская. «Далучайся!» — скандуюць маніфестанты, а таксама «Жыве Беларусь!»
13:17
Анархісты ўзначальваюць шэсце, аўтамбілісты сігналяць у знак падтрымкі.
13:16
Аўтамабілі масава, вельмі масава падтрымліваюць людзей сігналамі.
13:15
«Не хотім платіть ворам, паразітам і ментам», — скандуе народ з падачы анархістаў.
13:15
У шэсці ўдзельнічае некалькі соцень чалавек.
13:12
Моцна выступіў блогер з Гомеля Максім Філіповіч. Ён заклікаў да салідарнасці і даў інструкцыі, як не паддавацца на правакацыі. Нельга верыць уладам! — заклікаў ён.
Ён таксама папрасіў жанчын абараняць мужчын пры спробах міліцыі затрымаць іх. Ён адзначыў, што важна прыходзіць у суды, дзе судзяць палітычна затрыманым.
Людзі віталі яго апладысментамі.
13:10
Фото Станислава Коршунова
13:08
Выступае Мікалай Філіповіч — блогер з Гомеля. «Ніхто вам насустрач не пойдзе», — кажа ён.
13:07
Перад гарвыканкамам працягваюцца выступы. Анархісты папрыціхлі. Людзі скардзяцца, што працы няма ў горадзе.
13:05
Старшыня гарвыканкама Аляксандр Рагачук у залі кажа, што ўказ гэты часовы. Паліна Шарэнда распавяла на мітынгу, што ў пятніцу затрымалі яе мужа, у панядзелак — суд. Людзі ў зале просяць Рагачука, каб пасадзейнічаў вызваленню затрыманых.
13:02
Ёсць прапанова анархістаў прайсці маршам па вуліцы Савецкай і прайсці да ЦУМа.
Людзі кажуць, што нельга раздзяляцца і трэба застацца чакаць тых, хто ў зале.
13:00
Тым часам людзі працягваюць падцягвацца пад гарвыканкам.
Мужчына: «Я праклінаю той дзень, калі прагаласаваў за Лукашэнку. У мяне пенсія — 230 рублёў. Як на гэта пражыць?»
12:58
Выйшаў мужчына. Кажа, там, у зале, прынамсі, сядзіць чыноўнік і адказвае на пытанні. А мы проста тут трасём паветра. Без толку ўсё.
12:56
Людзі на плошчы ў Брэсце настроены вельмі радыкальна. Адна жанчына кажа: «Яны скралі ў нас 20 гадоў нашага жыцця. Гэта нармальна?»
12:55
Паліна Шарэнда, жонка затрыманага за мінулы марш Андрэя Шарэнды, са слязамі ў голасе заклікала заўтра а 12-й прыйсці ў суд падтрымаць яе мужа. Яна таксама заклікала змагацца аж да адстаўкі Аляксандра Лукашэнкі.
12:54
Тры міліцыянты сыходзяць з Плошчы. Тым часам анархісты заклікаюць да супраціву.
12:53
«Хопіць баяцца! Пара супраціўляцца!» — скандуе моладзь.
12:47
Тым часам частка людзей сядзіць у актавай зале, спрабуюць размаўляць з уладамі.
12:45
Людзі працягваюць скандаваць: «Не — дэкрэту нумар тры».
Сяргей Пятрухін асцерагаецца, што акцыя сёння будзе жорстка разагнана.
12:44
Адзін мужчына звяртаецца да міліцыі: «Вы такі ж народ, як усе. Вы ясцё наш хлеб. Стаўцеся з павагай да народа, калі ласка».
12:43
12:41
Адзін з удзельнікаў (святар): «Многія думаюць, што іх гэта не кране, але мы ўсе ў адной лодцы, гэта — лодка Беларусь, мы ўсе павінны думаць, якую краіну пасля сябе пакінем. Слова не скажы, звальняюць. Мы сталі лідарам — лідарам па колькасці алкаголю, па разводах. Калі мы будзем маўчаць, заўтра прыдуць і за іншымі. Мы кажам — не дэкрэту №3».
«Не дэкрэту нумар тры — Лукашэнка сыходзь», — скандуюць людзі.
12:38
Просты рабочы чалавек: «Я увесь час працаваў, а цяпер плаціць падатак? не».
12:34
Мітынгоўцы ў Брэсце: «Навошта траціць вялікі грошы на парад у Мінску? Час сказаць: «Баста».
Людзі ахвотна скандуюць: «Баста, баста!».
12:33
Тым часам Анатоля Лябедзьку прывезлі ў Бярозаўскі РАУС. Лябедзька патрабуе дакладна сфармуляваць яму прычыну, паводле якой яго затрымалі. Міліцыянты патрабуюць спыніць відэаздымку, паведамляе Радыё Свабода.
12:32
«Сапраўдныя дармаеды — гэта чыноўнікі» — з мегафонам звяртаюцца людзі ў масках.
12:29
Людзі воплескамі вітаюць з'яўленне групы анархістаў з плакатам «Чыноўнік — галоўны дармаед».
12:28
Людзі ў чорных масках разгарнулі расцяжку на ганку: «Чыноўнік — галоўны дармаед». Скандуюць розныя крычалкі.
12:28
Той, хто застаўся, працягвае выказваць абурэнне дзеяннямі ўладаў.
«Працы няма, а падатак ёсць, каму прыйшло ў галаву прыдумаць такі падатак»
12:26
Частка зашла ў гарвыканкам, частка засталася перад будынкам.
12:24
Частка людзей пайшла на прыем у гавыканкам.
12:23
Меркаванні людзей падзяліліся. Нехта хоча ісці ў гарвыканкам да мэра (там вельмі зручна), частка катэгарычна адмаўляецца.
12:20
Людзей крыху паболела.
12:20
12:19
Людзі пакуль у гарвыканкам не заходзяць. «На вуліцу, на вуліцу», — скандуюць яны.
12:17
12:16
Мэр Рагачук прапанаваў прайсці ў актавую залу ў гарвыканкаме і пагаварыць там.
«На вуліцу», — скандуюць людзі.
12:15
Выступае актывіст з Бярозы Аляксандр Кабанаў. Кажа, што затрымалі некалькіх чалавек. «Замест таго, каб улады выйшлі да нас і сказалі, што мы не маем рацыі, яны нас палохаюць, кажуць, што мы разгодваем лодку. Але мы не хочам вайны, не хочам канфліктаў»
12:13
Дзіяна Касцюкевіч кажа прысутным, што дэкрэт закрануў кожную сям'ю.
У многіх у руках таблічкі з аркуша А4: «Мы не рабы».
12:11
Людзі дайшлі да будынка гарвыканкама, чакаюць, калі выйдуць улады на перамовы.
«Хай выйдуць і адчытаюцца», — абураюцца людзі
12:11
Лідараў Аб'яднанай грамадзянскай партыі Анатоля Лябедзьку і Хрысціянскай дэмакратыі Віталя Рымашэўскага, нагадаем, затрымалі па дарозе ў Берасце, каля Івацэвіч.
12:09
Некаторыя пратэстоўцы трымаюць нацыянальныя, бел-чырвона-белыя сцягі.
12:08
П'яных няма, усе добра апранутыя.
У акцыі дзейнічае па розных падліках ад 200 да 300 чалавек.
12:07
Шмат незадаволеных людзей, яны абураныя дэкрэтам, кажа Сяргей Пятрухін.
12:05
Некалькі соцен чалавек сабраліся на плошчы Леніна ў Брэсце. На заклік мясцовага важака Аб'яднанай грамадзянскай партыі яны перамясціліся да будынку гарвыканкама.
12:01
Адзін з актыўных удзельнікаў мінулых маршаў у Брэсце Павел Кінчак паведаміў, што да яго дахаты прыйшлі людзі ў цывільным і рэкамэндавалі сёння не выходзіць. Кажа, што стаяць каля яго хаты.
11:43
Hа плошчы Леніна праходзяць масавыя гулянні, вельмі гучна грыміць музыка. Пратэстоўцаў пакуль не відаць, яны звычайна падыходзяць па часе ўпрытык да пачатку акцыі.
11:30
11:29
Раніцай пад Івацэвічамі затрымалі машыну, у якой на марш ехалі ў Брэст лідар АГП Анатоль Лябедзька, лідар БХД Віталь Рымашэўскі, а таксама Мікалай Казлоў (АГП) і Вольга Кавалькова (БХД). Іх машыну забралі, Лябедзька адправіўся ў Брэст пешкі.
11:24
На плошчы цяпер гулянні дзяцей. Шмат міліцыі. Перад папярэдняй акцыяй міліцыя так відавочна не патрулявала.
Čarhovaja vuličnaja akcyja suprać dekreta №3 adbyvajecca siońnia ŭ Breście. Hałoŭny arhanizatar akcyi — aktyvist AHP ź Biarozy Alaksandr Kabanaŭ.
«My chočam ahučyć i pryniać rezalucyju. Taksama ŭ nas buduć padpisnyja listy, usie achvotnyja zmohuć pastavić podpis za admienu dekreta № 3. Akcyja adbudziecca jak marš pa horadzie, jak heta adbyvajecca ŭsiudy», — kaža Kabanaŭ.
Kamientary