Piśmieńnik Saša Filipienka: Babula addała ŭsie hrošy machlaram, jakija skazali, što ja naśmierć źbiŭ čałavieka
Žachlivaj historyjaj padzialiŭsia ź siabrami piśmieńnik Saša Filipienka, jaki ciapier žyvie ŭ Rasii.
«Tolki što da majoj babuli ŭ Minsku patelefanavali ŭ dźviery. Uvajšli, skazali, što ja źbiŭ čałavieka. Chtości maim hołasam pa telefonie paprasiŭ hrošy. Babula addała ŭsio, što kapiła ŭsio žyćcio. Chočacca pieradać vialikaje pryvitańnie istotam, jakija heta zrabili», — napisaŭ u fejsbuku Saša.
Babuli piśmieńnika 83 hady, i jana žyvie adna. Piśmieńnik miarkuje, što vybar na babulu trapiŭ nie vypadkova, bo jana žyvie ŭ jahonaj kvatery.
«Joj patelefanavali ŭ dźviery. Jana adkryła. Čałaviek, jaki pradstaviŭsia Aleham, skazaŭ, što ja na mašynie źbiŭ naśmierć čałavieka. Pradstaviŭsia, što jon z orhanaŭ i što mnie daduć piać hadoŭ. Prapanavali patelefanavać mnie. Pazvanili na niejki numar, tam chtości maim hołasam pačaŭ paprakać babulu, što jana nie daje hrošy. Heta značyć, taki cisk z usich bakoŭ. Babula kiepska bačyć, pierachvalavałasia i addała ŭsie hrošy, jakija źbirała ŭsio žyćcio», — patłumačyŭ «Našaj Nivie» Saša Filipienka.
Milicyja vyśviatlaje abstaviny zdareńnia.
Saša Filipienka naradziŭsia ŭ Minsku ŭ 1984 hodzie. Skončyŭ licej mastactvaŭ imia Achremčyka i pastupiŭ u Jeŭrapiejski humanitarny ŭniviersitet. Paśla zakryćcia ŭ Minsku EHU pierajechaŭ u Rasiju, u Sankt-Pieciarburh, dzie skončyŭ fiłałahičny fakultet SPBHU, mahistraturu. Atrymaŭ dypłom «Bard Kaledža» ŭ Ńju-Jorku. Pracavaŭ scenarystam na rasiejskim telebačańni, byŭ viadučym telekanału «Doždž». Łaŭreat «Ruskaj premii» 2014 hodu, aŭtar ramanaŭ «Były syn», «Zadumy», «Ckavańnie».
Ciapier čytajuć
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ10
Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ77
Kamientary