Mintrans aštrafavaŭ 60 kiroŭcaŭ maršrutak na 11 miljonaŭ rubloŭ.

Transpartnaja inspekcyja Mintransu supolna z DAI ad 14 da 24 lipienia pravieryła pracu maršrutnych taksovak u rehularnych haradzkich i pryharadnych ekspresnych znosinach.
Jak paviedamlaje presavaja słužba Mintransu, pavodle vynikaŭ pravierki da administracyjnaj adkaznaści pryciahnuta 60 asob, suma spahnanych štrafaŭ skłała 11 miljonaŭ rubloŭ.
Pa ŭsioj krainie było praviedziena 95 pravierak, padčas ich pravieryli 1237 maršrutnych transpartnych srodkaŭ. Pa faktach raznastajnych parušeńniaŭ było składziena 89 aktaŭ.
Pavodle častotnaści parušeńni kiroŭcaŭ maršrutnych taksovak raźmierkavalisia nastupnym čynam:
- bieźbiletny pravoz pasažyraŭ (34 vypadki),
- niezadavalnialny źniešni vyhlad i sanitarny stan transpartnaha sroodku (31)
- vypusk na liniju transpartnaha srodku ź niaspraŭnaściami (13)
- adsutnaść adznaki pra prachodžańnie pieradrejsavaha techahladu transpartnych srodkaŭ (9)
- adsutnaść adznaki pra prachodžańnie pieradrejsavaha medyčnaha ahladu kiroŭcam (7)
- adsutnaść licenzijnaj kartki (6)
- pravoz pasažyraŭ zvyš normy, ustalavanaj dla transpartnaha srodku (6)
- adsutnaść adznaki pra prachodžańnie dziaržaŭnaha techničnaha ahladu (3)
- adsutnaść damovy abaviazkovaha strachavańnia ŭładalnikaŭ transpartnych srodkaŭ (1)
Kamientary