U Biarozaŭskim rajonie dvoje mužčyn padazrajucca ŭ kradziažy majomaści i hvałcie ŭ dačynieńni da supracoŭnikaŭ orhanaŭ unutranych spraŭ, paviedamiła BIEŁTA aficyjny pradstaŭnik upraŭleńnia Śledčaha kamiteta pa Bresckaj vobłaści Maryna Drańkova.
Pavodle danych śledstva, 15 sakavika kala 17 hadzin u vioscy Panasavičy pry praviadzieńni mierapryjemstvaŭ, nakiravanych na vyjaŭleńnie asob, jakija majuć dačynieńnie da ździajśnieńnia kradziažoŭ u sielskaj miascovaści, supracoŭniki kryminalnaha vyšuku RAUS spynili dvuch nieznajomcaŭ, jakija jechali na rovarach. Mužčyny dali ab sabie niesapraŭdnyja źviestki, što vyklikała padazreńnie ŭ pravaachoŭnikaŭ. Jany prapanavali ravarystam pakazać źmieściva sumak. U adnoj ź ich byli budaŭničyja instrumienty. Pradmiety supadali z raniej vykradzienymi. Milicyjanty paprasili mužčyn prajści ŭ RAUS dla razboru. Adnak tavaryšy akazali supraciŭ pravaachoŭnikam. 33-hadovy hramadzianin Rasii niekalki razoŭ udaryŭ milicyjanta, tym samym złamaŭšy jamu pravuju ruku. Zatym jon staŭ pahražać supracoŭnikam nažom, a jaho 34-hadovy naparnik (taksama hramadzianin Rasii) — siakieraj. Pry hetym dla abarony opierupaŭnavažanyja vykarystoŭvali pryjomy rukapašnaha boju i samaabarony, uzbrojenyja jany nie byli. Akramia taho, fihuranty raspačali biespaśpiachovuju sprobu zavałodać słužbovym transpartnym srodkam.
Byŭ uviedzieny śpiecyjalny płan pa zatrymańni złamyśnikaŭ, u jakim uziali ŭdzieł pradstaŭniki MNS i MUS. Z dapamohaj słužbovaha sabaki ŭ pojmie raki Jasielda mužčyny byli znojdzienyja i zatrymanyja. Kab jany pakinuli miesca svajoj chovanki, pravaachoŭnikam pryjšłosia zrabić papieradžalnyja streły. Taksama ŭ lasnym masivie byŭ znojdzieny tajnik, u jakim znachodzilisia kanistry z dyzpalivam, pnieŭmatyčnaja strelba, budaŭničy instrumient, haspadarčy invientar, abutak i inšyja rečy.
Pa dadzienym fakcie Biarozaŭskim rajonnym adździełam Śledčaha kamiteta raspačataja kryminalnaja sprava pa art. 364 KK (hvałt u dačynieńni da supracoŭnika orhanaŭ unutranych spraŭ). Padazravanyja źmieščanyja ŭ izalatar časovaha ŭtrymańnia. U ciapierašni čas ź imi pracujuć śledčyja. Pravodziacca dopyty, ahlady rečyŭnych dokazaŭ, pryznačany šerah ekśpiertnych daśledavańniaŭ, u tym liku dla vyśviatleńnia abstavinaŭ kradziažoŭ majomaści. Kančatkovaja kvalifikacyja dziejańniam mužčyny budzie dadziena pa vynikach rasśledavańnia.
Raniej abodva rasijanina užo pryciahvalisia da kryminalnaj adkaznaści za karyślivyja złačynstvy. Rovary, na jakich jany jechali, byli skradzienyja ŭ vioscy Naski Pružanskaha rajona. Akramia taho, adzin z zatrymanych padazrajecca ŭ ździajśnieńni chulihanstva na terytoryi Ivacevickaha rajona.
Chto taki Michaił Miachovič — siłavik, jaki viadzie kanał HUBAZiKa i adkazvaje za prabiŭ ludziej20
Kamientary