Mastak stvaryŭ na trasie pastku dla bieśpiłotnych aŭtamabilaŭ z dapamohaj zvyčajnaj soli
Bieśpiłotnyja aŭtamabili adkryvajuć vialikija mahčymaści pierad čałaviectvam. Ale ŭ čarhovy raz pavodziny bieśpiłotnika pakazali, što inžynieram u hetaj śfiery jość jašče šmat nad čym pracavać. Sistema kiravańnia bieśpiłotnaha aŭtamabila pierastała pravilna pracavać, tamu što jaje źbiła z pantałyku… zvyčajnaja kuchonnaja sol.
Techcrunch paviedamlaje, što brytanski mastak Džejms Brydł z dapamohaj dvuch akružnaściej zavabiŭ bieśpiłotny aŭtamabil u pastku i zabłakavaŭ jaho ruch. Aŭtar «namalavaŭ» na darozie sollu linii, jakija sistema ŭspryniała jak darožnuju raźmietku.
Praviły darožnaha ruchu dazvalajuć pierasiakać pieraryvistuju liniju raźmietki, tamu bieśpiłotny aŭtamabil zmoh biez prablem zajechać u «pastku», nie parušajučy praviły. A voś vyjechać z koła praz sucelnuju liniju, jakuju bartavy kampjutar interpretuje jak darožnuju raźmietku, mašyna nie moža, tamu što heta zabaroniena praviłami darožnaha ruchu.
Autonomous Trap 001 from stml on Vimeo.
Džejms Brydł niezdarma vykarystaŭ u svaim ekśpierymiencie mienavita sol. Brytanski mastak patłumačyŭ, što sol zdaŭna vykarystoŭvałasia dla atrymańnia ŭłady nad duchami i demanami.
Dadzieny ekśpierymient pakazaŭ, što sistemy štučnaha intelektu vielmi prosta padmanuć, i jany ŭsio jašče vielmi prymityŭnyja. Jak hetym mohuć skarystacca złačyncy? Jak abaranić ad padobnych vypadkaŭ kiroŭcaŭ i pasažyraŭ? Pytańni pierad vytvorcami i śpiecyjalistami ŭ halinie biaśpieki pakul adkrytyja.
-
ŠI-ahienty zamieniać prahramy: hiendyrektar Microsoft pradkazvaje revalucyju ŭ karystańni kampjutarami
-
Ad braniravańnia pajezdak da ździajśnieńnia navukovych adkryćciaŭ. Nieŭzabavie moža źjavicca novaja madel štučnaha intelektu
-
Kitaj śćviardžaje, što stvaryŭ pieršyja ŭ śviecie drony z łaziernaj zbrojaj
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary