Prakuror zapatrabavaŭ dla Andreja Bandarenki jašče 1 hod źniavoleńnia
U Mahilovie praciahvajecca sud nad pravaabaroncam Andrejem Bandarenkam. Termin jahonaha trochhadovaha źniavoleńnia zakančvajecca 31 sakavika 2017 hodu, ale prakuror padčas sudovych sprečak zapatrabavaŭ pakarać Bandarenku 1 hodam pazbaŭleńnia voli i ŭžyć mieru strymańnia ŭ vyhladzie zaklučeńnia pad vartu.
Prakuror Siarhiej Minaŭ paprasiŭ sud dać Bandarenku 1 hod strohaha režymu, uziaŭšy jaho pad vartu. Jon ličyć, što vina Bandarenki dakazanaja pavodle artykułu 411 2 častki. Pavodle abvinavaŭcy, systematyčna parušaŭ paradak adbyvańnia pakarańnia ŭ papraŭčaj ustanovie. Spasłaŭsia na pakazańni śviedak. Zhadaŭ, što Bandarenka vinu nie pryznaŭ, ale raparty supracoŭnikaŭ administracyi turmy paćviardžajuć, što asudžany parušeńni ździajśniaŭ. Prakuror Minaŭ interpretavaŭ toje, što sudy nie zadavolili skarhaŭ Bandarenki, jak słušnaść dziejańniaŭ turemnikaŭ. Niedakładnaści ŭ pakazańni turemnikaŭ, zaznačyŭ Minaŭ, niaznačnyja i nie ŭpłyvajuć na abjektyŭnaść śledztva.
Prakuror Minaŭ nazvaŭ Bandarenku niebiaśpiečnym dla hramadztva čałaviekam.
Bandarenku vinavaciać pavodle č. 2 art. 411 Kryminalnaha kodeksu — u złosnym parušeńni paradku adbyćcia pakarańnia ŭ turmie № 4. Za try dni da skančeńnia trochhadovaj niavoli Bandarenku pahražajuć jašče dva hady pavodle druhoj častki artykułu 411 Kryminalnaha kodeksu.
Svajoj viny Bandarenka nie pryznaje. Jon z advakatam znachodzili u słovach kožnaha sa śviedkaŭ — kantraloraŭ i supracoŭnikaŭ mahiloŭskaj turmy № 4 — supiarečnaści ŭ pakazańniach. Ale dziaržaŭny abvinavaŭca supiarečańniaŭ nia bačyŭ.
***
Andrej Bandarenka — były kiraŭnik pravaabarončaj arhanizacyi «Płatform Inavejšn», što zajmałasia manitorynham miescaŭ źniavoleńnia. U 2014 hodzie jaho pryznali vinavatym u chulihanstvie, złosnym chulihanstvie i asabliva złosnym chulihanstvie ŭ dačynieńni da troch hramadzian i asudzili na 3 hady kalonii ŭzmocnienaha režymu. Usiaho na Andreja Bandarenku nakładziena bolš za dziasiatak spahnańniaŭ u roznych miescach pazbaŭleńnia voli, dzie jon adbyvaŭ termin. Praz heta były kiraŭnik pravaabarončaj «Płatformy Inavejšn» pryznany złosnym parušalnikam režymu
U vypadku asudžeńnia Bandarenki pavodle č. 2 art. 411 KK pravaabaroncy buduć hatovyja pryznać jaho palityčnym źniavolenym.
Braty-bliźniaty pryjšli pracavać u milicyju. Adzin ź ich pierapłyŭ raku i ŭciok ź Biełarusi, kab nie zajmacca palityčnymi spravami. Pahutaryli ź im1
Kamientary