Kab «sieści na sutki», jamu daviałosia samomu jechać u sud i patrabavać aznajomić jaho z materyjałami ŭłasnaj spravy. Tam Andrej Stryžak daviedaŭsia, što pastanova ab jahonym aryšcie z 17 sakavika znachodzicca ŭ Rajonnym adździele ŭnutranych spraŭ, paviedamlaje praca-by.info.
Homielskaha aktyvista Niezaležnaha prafsajuza radyjoelektronnaj pramysłovaści Andreja Stryžaka 17 sakavika sud zavočna aryštavaŭ na 10 sutak za «niesankcyjanavany mitynh» (stychijny schod na hanku suda Centralnaha rajona ŭ Homieli: 21 lutaha zała pasiadžeńniaŭ nie źmiaściła ŭsich tych, chto pryjšoŭ na sud «darmajeda» Alaksandra Siamionava suprać padatkovaj). Andrej Stryžak nakiroŭvaŭ list pra toje, što znachodzicca za miažoj, adnak sud nie paličyŭ hetuju pryčynu istotnaj dla pieranosu pasiadžeńnia. Kasacyjnaja skarha taksama nie pryviała da pierahladu pastanovy suda.
Kali 15 krasavika Andrej Stryžak viarnuŭsia ŭ Biełaruś, jon źviarnuŭsia i ŭ Centralny RAUS Homiela, i ŭ rajonny adździeł milicyi, ale tam nie znajšli adpaviednych dakumientaŭ.
I tolki kali 17 krasavika aktyvist zapatrabavaŭ u sudzie Centralnaha rajona materyjały spravy, vyśvietliłasia, što pastanova znachodzicca ŭ Centralnym RAUS. Źjaviŭšysia tudy pa svajoj voli, Stryžak nakiravaŭsia adbyvać administracyjny aryšt 10 sutak.
Svajo žadańnie adbyć aryšt, niahledziačy na adsutnaść inicyjatyvy pravaachoŭnych orhanaŭ, aktyvist prakamientavaŭ dla praca-by.info:
— Kali ja ciapier nie adsiedžu hetyja dziesiać sutak, to jany buduć visieć nada mnoj damokłavym miečam. Mianie zmohuć aryštavać u luby momant: naprykład, pry vyjeździe za miažu. Heta nie «jaŭka z pavinnaj»: ja praciahvaju ličyć aryšt parušeńniem maich pravoŭ: na svabodu schodaŭ, svabodu słova, na spraviadlivy sud — i budu abskardžvać pastanovu suda ŭ mižnarodnych orhanach.
Na znak pratestu suprać parušeńnia svaich pravoŭ Andrej Stryžak abviaściŭ haładoŭku.
-
Uładalnik kramy Kropka ŭ Vilni raskazvaje, jak raźvivajecca jaho biznes i ci znajšli tych, chto raźbiŭ im vokny
-
Rasijanka pierajechała ŭ viosku pad Oršaj i ździŭlena biełaruskim standartam. «Tut pastajanna jość śviatło»
-
Volha Takarčuk padzialiłasia dramatyčnymi padrabiaznaściami svaich uciokaŭ ź Biełarusi
Dziadok raskazaŭ, jak pavodziŭ by siabie ŭ siońniašniaj Biełarusi i što budzie dalej5
Kamientary