Nasta Daškievič (Pałažanka): U 2011 ja padpisała papierku ŭ KDB, ale ahientam mianie nichto nie sprabavaŭ zrabić
Maładafrontaviec Mikałaj Dziemidzienka ahučyŭ infarmacyju, što ŭ lutym 2011 hoda padpisaŭ dakumient ab supracoŭnictvie sa śpiecsłužbami. Pa jahonych słovach, u toj samy momant u susiednim pakoi padobnuju papierku padpisvała źniavolenaja pa spravie Płoščy-2010 Nasta Pałažanka (ciapier — Daškievič).
«Naša Niva» parazmaŭlała ab toj historyi z Nastaj.
«U pryncypie, Mikoła kaža praŭdu. Naŭrad ci jahony podpis ab supracoŭnictvie niejak paŭpłyvaŭ na majo vyzvaleńnie. Heta ŭsio było vyrašana raniej, ale śpiecsłužbisty ŭdała manipulavali na hetym. Praŭda i toje, što Mikoła adrazu ŭsim raskazaŭ usio.
Što tyčycca mianie, to 17 lutaha ŭ mianie byŭ składany dzień — dopyty. Potym mnie paviedamili, što siońnia ty vychodziš na volu. Pierad vyzvaleńniem paviali na jašče adzin dopyt, dzie prapanavali padpisać papierku. Skazali, što Źmicier Daškievič u źniavoleńni, kab ablehčyć jaho los.
Voś papiera, sadzisia pišy, dali čysty arkuš. Ja navat nie pomniu, što tam było. Zdajecca, niejkaja absalutna dziažurnaja fraza ab sustrečach.
Na suviaź sa mnoj za ŭvieś hety čas tak nichto i nie vychodziŭ. Ja mieła niekalki razmovaŭ z KDBšnikami ŭ čas śledčych dziejańniaŭ pa majoj kryminalnaj spravie. Havaryli na palityčnyja temy. Ničoha takoha, što b ja nie mahła skazać u lubym intervju, ja nie kazała. Ja tady zajmała žorstkuju pazicyju pa sankcyjach, jany mianie sprabavali pierakanać u advarotnym.
Kali Źmitra Daškieviča asudzili na 2 hady źniavoleńnia, to nijakich suviaziaŭ nie było zusim. Nichto mianie nie šantažavaŭ, nie kazaŭ spynić dziejnaść. Ja liču, što ahučvać treba, kali ty znachodzišsia na kručku, kab jaho abarvać. Ale ničoha padobnaha ŭ mianie nie było. Ź mianie nie sprabavali zrabić «ahienta ŭpłyvu» ci jak heta nazyvajecca.
Paśla padpisańnia taho dakumienta ŭ maim žyćci absalutna ničoha nie źmianiłasia, jon nijak nie paŭpłyvaŭ na maje dalejšyja dziejańni».
-
Imihracyjnaja i mytnaja słužba ZŠA zatrymała nie mienš za dzieviać biełarusaŭ paśla vykliku na pravierku
-
«Vydalaješ, jak chočaš, choć cehłaj ściraj», abo nizki status». Hutarka z chłopcam, jakoha prymusili ŭ kałonii źniščyć tatu z Pahoniaj
-
«Dzie hrošy, Franak?» Viačorka tłumačyć sistemu mižnarodnaj dapamohi hramadzianskaj supolnaści i kudy iduć 30 młn ad ES
Ciapier čytajuć
«U vyniku jon skazaŭ mnie: «Chopić mianie šantažavać, ja chaču palubavacca hetymi drevami». Aksana Kołb raskazała, pra što razmaŭlała sa Statkievičam na miažy88
Kamientary