Maładafrontaviec Dziemidzienka: «U 2011 hodzie ja padpisaŭ damovu ab supracoŭnictvie z KDB, a praź dźvie hadziny na volu vyjšła Pałažanka»
Maładafrontaviec Siarhiej Palčeŭski pryznaŭsia, što ŭ čas źniavoleńnia padpisaŭ dakumient ab supracoŭnictvie sa śpiecsłužbami. Heta vyklikała jašče inšyja pryznańni.
Maładafrontaviec Mikałaj Dziemidzienka kaža, što padobnuju papierku jon padpisaŭ 17 lutaha 2011 hoda. «Mianie vyklikali na vaśmihadzinny dopyt. Skazali, što mohuć vyzvalić Nastu Pałažanku (tady ŭ jaje jašče było takoje proźvišča), jakaja prachodziła pa spravie Płoščy-2010. Tvaja siabroŭka, vyrašaj. Ja skazaŭ, što ŭvohule biez prablem, davajcie, padpišu, što treba, dyktujcie.
Nijakich pazyŭnych mnie nie davali. U dakumiencie havaryłasia ab tym, što pavinien źjaŭlacca na sustrečy biez advakata na termin, pakul nie projdzie sud nad zatrymanymi.
Paśla hetaha mnie dva razy sprabavali zvanić. Ja na sustrečy nie chadziŭ. Dachodziła da niejkaha marazmu, pytalisia, dzie schavanyja bałončyki.
Ja viedaju, što ŭ toj samy momant takuju ž papierku ŭ susiednim kabiniecie padpisvała Nasta Pałažanka [atrymać jaje kamientar pakul nie atrymałasia — «NN»], na jaje, zdajecca, nacisnuli praz Daškieviča. Jana sapraŭdy vyjšła na volu praź dźvie hadziny paśla taho, jak ja zhadziŭsia na «supracoŭnictva».
Ab tym, što ja padpisaŭ damovu ŭ KDB, viedali sotni maładafrontaŭcaŭ, Sieviaryniec, Daškievič i inšyja. Dumaju, sami śpiecsłužbisty padsłuchali, što ja ŭsim heta źliŭ, choć i padpisvaŭsia ab nierazhałošvańni. Na siońniašni dzień mnie heta ŭsio śmiešna, chacia byŭ pieryjad, kali mianie časta stali sadžać na sutki.
Ja nie paryŭsia tady, kali padpisvaŭ, nie parusia i ciapier. Ci zrabiŭ by znoŭ? Tak, viadoma. Tam stajała pytańnie ab svabodzie 19-hadovaj dziaŭčyny».
U fejsbuku byłaja maładafrontaŭka, žurnalistka Taćciana Šapućka paćvierdziła, što Mikałaj Dziemidzienka sapraŭdy raskazaŭ hetuju historyju paplečnikam u toj ža dzień, kali heta ŭsio adbyłosia.
Kolki nasamreč ciahnucca pracoŭnyja pajezdki Łukašenki? Cikavyja ličby14
Kamientary