Mazyrskamu recydyvistu, jaki paraniŭ amapaŭcaŭ, pahražaje rasstreł 

Pradstaŭniki HUBAZiK raspaviali padrabiaznaści zatrymańnia 30-hadovaha žychara Mazyra, jaki akazaŭ supraciŭ i paraniŭ nažom dvuch amapaŭcaŭ. «Naša Niva» paviedamlała aficyjnuju viersiju milicyi, a taksama padrabiaznaści ad žonki zatrymanaha.

Što siłaviki paviedamlajuć pra zatrymanaha?

U jaho vielmi bahataje kryminalnaje minułaje: u 2004 hodzie za rabavańnie i razboj asudžany na 6 hadoŭ pazbaŭleńnia voli, paśla adbyćcia pakarańnia zarablaŭ machlarstvam i vymahalnictvam. Achviarami stanavilisia jak prostyja hramadzianie i pryvatnyja pradprymalniki, tak i asoby, źviazanyja ź niezakonnym abarotam narkotykaŭ. Raźlik rabiŭsia na toje, što ludzi, sami zamiešanyja ŭ złačynstvach, źviartacca pa dapamohu ŭ milicyju nie buduć. «Vybivajučy» hrošy, zatrymany časta ŭžyvaŭ hvałt. Hetamu spryjała vydatnaja fizičnaja forma: praciahły čas jon zajmaŭsia baraćboj.

Adzin ź biełaruskich «złodziejaŭ u zakonie» nadzialiŭ mazyrčuka statusam «pałaženca», što davała jamu prava vyrašać sprečnyja pytańni siarod ziemlakoŭ — pradstaŭnikoŭ kryminalitetu.

Viadoma, što fihurant vielmi raźličvaŭ stać «smatračym» za Mazyrom. Jon pieryjadyčna vyjazdžaŭ u krainy Jeŭrasajuza, dzie ŭ składzie mižnarodnaj arhanizavanaj złačynnaj hrupy rabavaŭ banki, abkradaŭ kramy i zajmaŭsia nielehalnym aŭtabiznesam. Nieadnarazova traplaŭ u ruki palicyjantaŭ Hiermanii. Tam ža niekalki razoŭ apynaŭsia ŭ miescach pazbaŭleńnia voli, u tym liku za vykarystańnie padroblenych dakumientaŭ. Usio skončyłasia departacyjaj na radzimu.

Čym paśla hetaha mužčyna zajmaŭsia ŭ Biełarusi?

Mužčyna ździajśniaŭ machlarstvy, kraŭ, vymahaŭ hrošy ŭ biznesmienaŭ, złodziejaŭ i narkahandlaroŭ. Surjoznyja aściarohi za žyćcio i zdaroŭje zmušali mnohich admaŭlacca ad dačy pakazańniaŭ, adnak HUBAZiK atrymałasia atrymać dastatkova dokazaŭ jaho złačynnaj dziejnaści i padstaŭ dla zatrymańnia. Paskoryła pryniaćcie rašeńnia ab apieracyi jakaja pastupiła apieratyŭnaja infarmacyja: paśla ździajśnieńnia čarhovaha kradziažu mužčyna maje namier zbyć skradzienuju majomaść i źjechać z Mazyra ŭ nieviadomym kirunku. Viedajučy pra toje, što złamyśnik moh być uzbrojeny ahniastrelnaj zbrojaj, da apieracyi ŭ jakaści siłavoj padtrymki pryciahnuli amapaŭcaŭ.

Jakija padrabiaznaści zatrymańnia?

Usio adbyłosia rankam 30 krasavika. Padazravanaha ŭdałosia vyciahnuć z chaty na padstavie nieabchodnaści razabracca ŭ DTZ z udziełam jaho aŭtamabila. Uśviadomiŭšy, što adbyvajecca na samaj spravie, jon pasprabavaŭ schavacca i akazaŭ aktyŭny supraciŭ, nanios nažavyja ranieńni dvaim supracoŭnikam AMAP.

Pa fakcie zamachu na zabojstva dvuch i bolš asob u suviazi z ažyćciaŭleńniem imi słužbovaj dziejnaści Homielskim abłasnym upraŭleńniem Śledčaha kamiteta Biełarusi 2 maja raspačata kryminalnaja sprava pa č. 1 č.2 art. 139 Kryminalnaha kodeksa Biełarusi. Sankcyja artykuła praduhledžvaje pakarańnie ŭ vyhladzie pazbaŭleńnia voli da 25 hadoŭ, pažyćciovaha źniavoleńnia abo śmiarotnaha pakarańnia.

Supracoŭniki HUBAZiK MUS praciahvajuć pracu pa ŭstalavańni dadatkovych epizodaŭ złačynnaj dziejnaści zatrymanaha. Płanujecca, što ŭ chutkim časie buduć apublikavanyja materyjały pa inšych złačynstvach, da jakich datyčny mužčyna.

Čytajcie taksama: Cprava paranienych amapaŭcaŭ u Mazyry. Ci mohuć rasstralać napadnika, kali zabojstva nie było?

• 0
• 0
• 0
• 0
• 0
• 0
• 0
• 0