Minkult abjaviŭ zbor srodkaŭ na miemaryjał u Kurapatach. Jak jon budzie vyhladać, nieviadoma
Abviestka pra zbor srodkaŭ na pabudovu miemaryjała tranślujecca na biełaruskich telekanałach.
Jak paviedamiła Svabodzie kiraŭnik adździeła arhanizacyjnaj raboty i infarmacyi Ministerstva kultury Iłona Niemava, zamoviŭ abviestki Nacyjanalny centr sučasnaha mastactva Biełarusi.
Hetaja ŭstanova fihuruje ŭ «Pałažeńni pra paradak arhanizacyi i praviadzieńnia konkursa eskiznych prajektaŭ pamiatnaha znaku «Kurapaty». Mienavita ŭ jaje ścienach pavinny byli być pradstaŭlenyja konkursnyja raboty i musiŭ adbycca vybar pieramožcy.
Taksama ŭ pałažeńni havorycca, što «vyniki konkursu publikujucca ŭ tydniovy termin paśla vyniasieńnia rašeńnia žury na aficyjnym sajcie Ministerstva kultury Respubliki Biełaruś». Ale jak paviedamiła Iłona Niemava, vynikaŭ konkursu pakul niama.
Kamientary