Ziać i daradca amierykanskaha prezidenta Donalda Trampa Džared Kušnier chavaŭ svaje suviazi z pasłom Rasii ŭ ZŠA Siarhiejem Kiślakom i abmiarkoŭvaŭ ź im mahčymaść ustanaŭleńnia sakretnaha kanała suviazi pamiž Maskvoj i Vašynhtonam, paviedamlajuć ŚMI.
Ahienctva Rejter adznačaje, što Kušnier i Kiślak kantaktavali padčas prezidenckaj kampanii Trampa ŭ 2016 hodzie i paśla jaje.
Rejter sa spasyłkaj na siemiarych byłych i dziejučych amierykanskich čynoŭnikaŭ paviedamiła, što Kušnier schavaŭ prynamsi try kantakty z Kiślakom, siarod ich dźvie telefonnyja razmovy, jakija jon pravioŭ z krasavika pa listapad 2016 hoda.
Pa dadzienych vydańniaŭ Washington Post i New York Times, Siarhiej Kiślak abmiarkoŭvaŭ ź ziaciem Trampa mahčymaść ustanoŭki sakretnaha i abaronienaha kanała suviazi pamiž Maskvoj i Vašynhtonam.
Jak śćviardžajuć ŚMI, Kušnier zrabiŭ takuju prapanovu Kiślaku padčas sustrečy ŭ śniežni 2016 hoda ŭ Ńju-Jorku.
Kanał mierkavałasia vykarystać dla suviazi akružeńnia Trampa z Maskvoj u pieryjad pieradačy ŭłady da inaŭhuracyi, nie aścierahajučysia prasłuchoŭvańnia z boku amierykanskich śpiecsłužbaŭ.
Washington Post paviedamlaje pra heta sa spasyłkaj na źviestki z spravazdač amierykanskaj raźviedki, padrychtavanyja na asnovie pierachoplenych joj słužbovych telehram ci telefonnych razmoŭ rasiejskaha ambasadara ŭ ZŠA. Bieły dom aficyjna nie kamientavaŭ hetuju infarmacyju.
Kiślak, jak paviedamlajecca, byŭ ahałomšany prapanovaj Kušniera, adznačaje Washington Post. Vydańnie padkreślivaje, što na sustrečy ziacia Trampa z Kiślakom prysutničaŭ u tym liku adstaŭny hienierał Majkł Flin.
Apošni zaniaŭ pasadu pamočnika prezidenta Tramp pa nacyjanalnaj biaśpieki ŭ studzieni. Adnak 13 lutaha jon pajšoŭ u adstaŭku, pryznaŭšy, što davaŭ niapoŭnuju infarmacyju ab kantaktach z Kiślakom u kancy śniežnia.
Jak paviedamiŭ Rejter advakat Kušniera Džejmi Harelik, Kušnier pravioŭ «tysiačy telefonnych razmoŭ» padčas prezidenckaj kampanii i nie pamiataje tych, pra jakija paviedamlaje ahienctva. Harelik taksama adznačyŭ, što zaprasiŭ u ahienctva Rejter dadzienyja pra daty, kali mierkavanyja hutarki mahli adbycca.
Advakat taksama zajaviŭ, što jaho klijent maje namier całkam supracoŭničać sa śledstvam i hatovy adkazać na lubyja pytańni.
Kamientary