Palicyja Mazambika papiaredziła žycharoŭ krainy, jakija pakutujuć na abłysieńnie, što ich žyćciu moža pahražać niebiaśpieka. Pra heta paviedamlaje vydańnie The Guardian.
Ab isnavańni prablemy zahavaryli paśla žorstkaha zabojstva dvuch łysych mužčyn, što adbyłosia ŭ akruzie Miłanž za niekalki kiłamietraŭ ad miažy z Małavi. U adnaho z zahinułych była adrezanaja hałava i vyniatyja ŭnutranyja orhany.
Pravaachoŭnyja orhany Mazambika padazrajuć u ździajśnieńni złačynstva dvuch 20-hadovych mužčyn. Paśla aryštu jany pryznalisia, što addali orhany zabitaha znacharu dla rytuałaŭ, jakija nibyta prynosiać pośpiech klijentam.
Pa słovach pradstaŭnika palicyi, matyvy zabojstva źviazany z zababonami, jakija raspaŭsiudžany ŭ hetym rehijonie. «Miascovyja žychary ličać, što łysyja ludzi bahatyja», — patłumačyŭ jon.
Dzina paraŭnaŭ rytualnyja zabojstvy łysych z palavańniem na albinosaŭ, jakoje viaduć miascovyja znachary. Pa dadzienych AAN, z 2014 hoda ŭ Mazambiku adbyłosia bolš za 100 napadaŭ na ludziej, jakija pakutujuć na albinizm. Ich orhany vykarystoŭvajucca dla stvareńnia lekaŭ.
U traŭni paviedamlałasia, što 19-hadovy vychadziec ź Śjera-Leone Viea Banhura (Weah Bangura), jaki pakutuje na albinizm, u dziacinstvie byŭ vyratavany ad viedźmakoŭ i zaraz staŭ madellu.
«Usie ekstremisty ci ŭžo asudžanyja, ci źjaŭlajucca fihurantami spraŭ, jakija buduć razhledžany sudami». Švied padvodzić rysu pad represijami?8
Kamientary