Jeŭrakamisija abviaściła ab farmavańni Jeŭrapiejskaha abaronnaha fondu. Srodki fondu buduć padzielenyja na dźvie katehoryi: vydatki na navukovyja daśledavańni, a taksama vydatki na raspracoŭki i zakupki, paviedamlaje DW.
U 2017 hodzie EC upieršyniu budzie razdavać hranty na daśledavańni inavacyjnych abaronnych technałohij, jakija ŭ poŭnaj miery i naŭprost finansujucca ź biudžetu ES. Na hetyja mety da 2019 hoda zakładziena 90 młn jeŭra (z ulikam 25 młn jeŭra, vydzielenych u 2017 hodzie). Miarkujecca, što paśla 2020 hoda hety artykuł vydatkaŭ składzie 500 młn jeŭra štohod.
Na raspracoŭku i zakupku ŭzbrajeńniaŭ i abaronnych technałohij u 2019 i 2020 hadach budzie vydzielena ahułam 500 młn jeŭra. Paśla 2020 hoda Jeŭrakamisija raźličvaje, što štohadovyja vydatki pa hetym artykule buduć pastajanna pavialičvacca i ŭ vyniku dasiahnuć uzroŭniu ŭ 5 młrd jeŭra.
Jeŭrakamisija taksama raspracavała try mahčymyja scenary dalejšaha ŭzajemadziejańnia krain Jeŭrasajuza ŭ halinie biaśpieki i abarony. Bolš detalova jany buduć abmiarkoŭvacca na samicie ES 9 červienia ŭ Prazie.
Pieršy scenar azahałoŭleny «Supracoŭnictva ŭ halinie biaśpieki i abarony» i praduhledžvaje sumiesnyja dziejańni ŭ hetaj śfiery na dobraachvotnaj asnovie ŭ zaležnaści ad kankretnaj situacyi. Druhi scenar pad nazvaj «Kalektyŭnaja biaśpieka i abarona» praduhledžvaje bolš vysoki ŭzrovień kaapieracyi, kali Brusiel budzie hrać bolšuju rolu ŭ kibierbiaśpiecy, abaronie miežaŭ i baraćbie z teraryzmam. Treci płan pad nazvaj «Ahulnaja abarona i biaśpieka» praduhledžvaje najvyšejšy ŭzrovień jeŭraintehracyi i farmavańnie adzinaj abaronnaj palityki.
Pašpart Novaj Biełarusi pačnuć vydavać z 26 studzienia. Što viadoma i jak atrymać?114
Kamientary