Mintrans raskazaŭ, kali možna admovicca ad apłaty za pajezdku na taksi
Situacyi kanfliktaŭ pamiž kiroŭcami i pasažyrami taksi z-za koštu pajezdki zvyčajna ŭźnikajuć pry zakazie taksi «ad borta». U Mintransie rastłumačyli, jak pavodzić siabie, kali taryf zdajecca nieabhruntavana zavyšanym, i kali možna admovicca ad apłaty pajezdki.
U viedamstvie nahadali, što ŭ adpaviednaści z Praviłami aŭtamabilnych pieravozak pasažyraŭ u sałonie taksi na bačnym miescy pavinny być raźmieščany: vizitnaja kartka kiroŭcy, infarmacyja pra pieravozčyka i tablička z taryfami.
Kali hetych źviestak niama, pasažyr maje prava zapatrabavać ich u kiroŭcy, a taksama daviedacca ŭ jaho infarmacyju pra prykładny košt pajezdki ŭ rublach.
«Frazy «pa ličylniku», «pa taryfach» i inšyja padobnyja mohuć być sihnałam da taho, što vas sprabujuć uvieści ŭ zman», — papiaredzili ŭ Mintransie.
Akramia taho, u viedamstvie paviedamili, što pry admovie kiroŭcy ahučyć hetuju infarmacyju pasažyr moža «skasavać damovu pieravozki aŭtamabilem-taksi i zapatrabavać viartańnia hrašovych srodkaŭ».
Taksama pasažyr maje prava admovicca ad apłaty pajezdki, kali prahramnaja kasa ci kasavy aparat, sumieščany z taksomietram, byli adklučanyja ci niaspraŭnyja.
Jak ciapier vyhladaje palitźniavoleny Ihar Łosik FOTA16
Kamientary