Srodki rasijskaha kredytu, damoŭlenaść ab vydzialeńni jakoha była dasiahnuta na sustrečy prezidentaŭ Biełarusi i Rasii ŭ krasaviku, mohuć pastupić u krainu da kanca hetaha paŭhodździa, zajaviŭ u intervju Sputnik pasoł RF u Biełarusi Alaksandr Surykaŭ.
«Rašeńnie ab hetym dziaržkredycie było pryniata, Minfin Rasii stavicca da hetaha stanoŭča. Kredyt znachodzicca ŭ afarmleńni, i dumaju, što ŭ pieršym paŭhodździ, chutčej za ŭsio, kredyt pastupić u rasparadžeńnie Biełarusi», — zajaviŭ pasoł.
Jon rastłumačyŭ, što takim čynam Biełaruś zmoža restrukturyzavać svaju zapazyčanaść pa płaciažach u adras Jeŭrazijskaha fondu stabilizacyi i raźvićcia i raniej vydadzienym rasijskim kredycie.
Nahadajem, u krasaviku, na sustrečy ŭ Sankt-Pieciarburhu prezidentaŭ Łukašenki i Pucina była dasiahnutaja damoŭlenaść ab vydzialeńni Biełarusi rasijskaha kredytu.
Pavodle apošnich dadzienych biełaruskaha boku, suma kredytu składzie 700 miljonaŭ dalaraŭ.
Jak paźniej paviedamiŭ ministr finansaŭ Biełarusi Uładzimir Amaryn, suma kredytu składzie 700 miljonaŭ dalaraŭ. Pry hetym tolki ŭ hetym hodzie Biełaruś pavinna pahasić źniešni dziarždoŭh u pamiery 1 młrd dalaraŭ.
«Kali ździejśnić vypłaty tolki za košt dachodaŭ biudžetu, to heta aznačaje, što pryjdziecca vyklučyć značny abjom resursaŭ z ekanomiki. U suviazi z hetym my źviartajemsia da refinansavańnia», - rastłumačyŭ Amaryn.
U 2017 hodzie asnoŭnymi krynicami źniešniaha finansavańnia stanuć kredyty ad Rasii i Jeŭrazijskaha fondu stabilizacyi i raźvićcia. Z kredytu JEFSR Biełaruś užo atrymała za 1,1 młrd dołaraŭ, ź jakich 300 młn - u krasaviku hetaha hoda.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku2222
Kamientary