«Polšča nie paddasca cisku Jeŭrakamisii ŭ pytańni abaviazkovaha pryjomu biežancaŭ», — zajaviŭ ministr unutranych spraŭ Polščy Maryjuš Błaščak u svaim vystupie na pasiadžeńni Jeŭrapiejskaj rady ŭ Luksiemburhu. Tak jon prakamientavaŭ słovy kiraŭnika Jeŭrakamisii Žan-Kłoda Junkiera ab mahčymym abmiežavańni jeŭrapiejskich srodkaŭ u dačynieńni da krain ES, što admovilisia prymać biežancaŭ, jakija znachodziacca ŭ łahierach u Italii i Hrecyi, paviedamlaje Radyjo Polšča.
Havorka idzie pra t. zv. prahramu rełakacyi, pryniatuju vosieńniu 2015 hoda. Raniej jeŭrakamisar pa pytańniach mihracyi zajaŭlaŭ, što za ihnaravańnie hetaha płana na dziaržavu ES budzie padadzieny pazoŭ u Jeŭrapiejski sud.
Pa słovach kiraŭnika MUS Polščy Maryjuša Błaščaka, płan pa rełakacyi biežancaŭ nie źjaŭlajecca ŭdałym: «Hety płan tolki paspryjaje raźvićciu kryzisu, jon pryviadzie da taho, što čarhovyja patoki mihrantaŭ zaljuć Jeŭropu. Heta zaachvočvańnie dla handlaroŭ ludźmi, jakija zarablajuć na mihrantach».
Ministr padkreśliŭ, što ź mierkavańniaŭ biaśpieki Polšča nie prymie ŭciekačoŭ, identyfikacyja jakich nie harantavanaja. «Maim zadańniem źjaŭlajecca zachavańnie biaśpieki Polščy i palakaŭ. Napłyŭ biežancaŭ u Polšču, na jaki pahadziłasia ŭrad Evy Kopač, staŭ by hlebaj dla raźvićcia isłamskaha teraryzmu. Heta škodnasnaje rašeńnie nie było vykanana ŭ suviazi sa źmienaj ŭrada ŭ Polščy», — zajaviŭ jon.
Adznačym, što na budučym tydni Jeŭrakamisija pradstavić dakład, jaki padvodzić vyniki realizacyi prahramy pa pryjomie biežancaŭ. Pavodle danych, pradstaŭlenych miesiac tamu, z 160 tysiač uciekačoŭ, jakija znachodzilisia na terytoryi Italii i Hrecyi, pamiž inšymi krainami ES byli raźmierkavanyja amal 20 tysiač čałaviek. Ni adnaho biežanca nie pryniali Polšča, Vienhryja i Aŭstryja, choć ułady ŭ Vienie zajaŭlali ab svaim namiery ŭdzielničać u prahramie. Mienavita ŭ dačynieńni da hetych krain Jeŭrakamisija pahražaje pryniać miery. Padobnyja pahrozy byli taksama adrasavanyja ŭradu Čechii, jaki pryniaŭ 12 biežancaŭ, adnak niadaŭna zajaviŭ ab namiery admovicca ad udziełu ŭ prahramie ź mierkavańniaŭ biaśpieki.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii19
Kamientary