U Narviehii padrychtavany zakonaprajekt ab zabaronie našeńnia žanočaha adzieńnia, jakaja zakryvaje tvar, u dziciačych sadkach, škołach i univiersitetach. Zabarona tłumačycca tym, što padobnaje adzieńnie abciažarvaje kamunikacyju pamiž vykładčykami i vučniami, piša VVS.
Pad zabaronu nie patrapiać inšyja vidy žanočaha adzieńnia, pryniataha ŭ isłamie, — takija, naprykład, jak hałaŭnyja chustki.
Heta pieršaja padobnaja zabarona ŭ skandynaŭskich krainach. Akramia parandžy i nikaba zakanadaŭcy ŭklučyli ŭ pieralik zabaronienych u adukacyjnych ustanovach hałaŭnych uboraŭ bałakłavy i maski.
Bolšaść narviežskich partyj padtrymlivajuć hety zakonaprajekt, jaki, jak čakajecca, budzie pryniaty ŭ nastupnym hodzie.
«Padobnaje adzieńnie pieraškadžaje dobraj kamunikacyi, jakaja nieabchodnaja dla taho, kab navučency mahli atrymlivać jakasnuju adukacyju», — havorycca ŭ zajavie narviežskaha ministra adukacyi Torbjorna Isaksiena.
Vykonvajučy abaviazki ministra pa spravach imihracyi i intehracyi Pier Sandbierh zajaviŭ, što mahčymaść kamunikavać adno z adnym — heta fundamientalnaja kaštoŭnaść.
Rehijanalnyja ŭłady ŭ Narviehii ciapier nadzielenyja pravam ŭvodzić zabaronu na nikaby ŭ škołach, adnak ahulnanacyjanalnych pravił na hety kont da hetaha času nie było.
U toj ža čas krytyki asprečvajuć nieabchodnaść uviadzieńnia takoj miery, bo isłamskaje adzieńnie, jakoje całkam zakryvaje tvar, nie zanadta šyroka raspaŭsiudžanaje ŭ Narviehii.
«Jość vielmi, vielmi nievialikaja kolkaść tych, chto nosić nikab, tak što ŭ kantekście intehracyi heta najmienšaja prablema», — zajaviła ŭ intervju teleradyjokampanii NRK Linda Nor ź niaŭradavaj arhanizacyi Minotenk, što fakusujecca na prablemach mienšaściaŭ.
U pačatku hetaha hoda musulmanskaja arhanizacyja «Isłamskaja rada Narviehii» spravakavała skandał, uziaŭšy na pracu pres-sakratarku, jakaja nosić nikab.
«Isłamskaja rada» — arhanizacyja, jakaja isnuje na hrant urada Narviehii i zaklikanaja ŭmacoŭvać mižrelihijny dyjałoh, — trapiła pad ahoń krytyki z boku ministra kultury, musulman-deputataŭ narviežskaha parłamienta i inšych musulmanskich abjadnańniaŭ.
Arhanizacyja adprečyła hetyja paproki, zajaviŭšy, što Łejła Chasik — najbolš adpaviednaja kandydatura na pasadu kiraŭnika adździeła pa suviaziach z hramadskaściu.
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1212
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata12
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary