Niekali bieź ich nie abychodziŭsia ni adzin biełaruski kancert, jany ŭvieś čas milhali na telebačańni i staronkach časopisaŭ i haziet, a ŭsia kraina ŭvažliva sačyła za ich žyćciom. Prajšli hady, na biełaruskaj pop-scenie źjavilisia novyja favaryty, a toj, chto sastupiŭ im miesca, pajšli svajoj darohaj. I čaściej za ŭsio — nie mienš cikavaj. Relax.by vyrašyŭ daviedacca, dzie ž ciapier niekali viadomyja artysty.
Alesia Jarmolenka
Samaja znakamitaja Alesia našaj krainy, salistka ansambla «Siabry», a taksama solnaja vykanaŭca doŭhi čas bliskała na biełaruskaj scenie, a ŭ niejki momant raptam źnikła z vačej. Akazałasia, Alesia druhi raz vyjšła zamuž i ŭśled za svaim mužam źjechała žyć u Aŭstryju. Tam artystka pražyła try hady, a kali muž adkryŭ biznes u Biełarusi, viarnułasia na radzimu. Hod tamu Alesia ŭ druhi raz stała mamaj i ciapier zajmajecca siamjoj i padtrymlivaje muža. Jana śćviardžaje, što ciapier dla jaje samaje hałoŭnaje — być pobač sa svaimi mužčynami, kłapacicca pra ich i prosta adčuvać siabie kachanaj žančynaj.
Vieniera
Natalla Kudryna była salistkaj druhoha składu dueta «Dy-Bronks i Natali» i zrabiła jarkuju solnuju karjeru pad psieŭdanimam Venera. U svoj čas jana ŭdzielničała ŭ šmatlikich kancertach i akcyjach, časta źjaŭlałasia na telebačańni ŭ roznych tok-šou i była hościaj mnohich śvieckich mierapryjemstvaŭ. Siońnia Natalla pamianiała śfieru dziejnaści, ale pa-raniejšamu źviazana z tvorčaściu — u kastryčniku 2016 hoda na Belarus Fashion Week adbyŭsia pieršy pakaz dyzajnierskaha adzieńnia śpiavački pad brendam KUDRINA. Ciapier usie jaje siły aryjentavany na raźvićcio ŭłasnaha brenda.
Alaksandra Hajduk
Adna z samych jarkich śpiavačak 2000-ch na biełaruskaj estradzie zdoleła realizavać siabie adrazu ŭ niekalkich kirunkach. U jaje repiertuary byli jak drajvovyja pieśni, tak i liryčnyja ramansy i bałady. Alaksandra była televiadučaj, a paźniej kiraŭnikom telekanała BiełMuzTV. Ale svaju maru realizavała tolki niekalki hadoŭ tamu — całkam syšła ŭ akciorskuju prafiesiju. Ciapier śpiavačka žyvie i pracuje ŭ Maskvie i narešcie adčuvaje, što znajšła siabie. Alaksandra pastajanna raźvivajecca i ŭžo ŭziała ŭdzieł u 14 prajektach.
Hurt «Čuk i Hiek»
Adny ź niamnohich, chto na biełaruskaj estradzie zakranuŭ temu chip-chopa i r'n'b. Doŭhija hady chłopcy aktyŭna hastralavali pa Biełarusi i byli na vidu jak na telebačańni, tak i ŭ kulturnym žyćci stalicy. Potym pra ich stali kazać radziej, a paru hadoŭ nazad hurt i zusim źnik. Jak akazałasia, padziei ŭ žyćci salistaŭ Pašy Syraježkina i Dźmitryja Famiča adbylisia ščaślivyja: jany abodva praktyčna adnačasova dva hady tamu stali baćkami. Pavieł razam z žonkaj Alaksandraj Paŭłavaj źjechaŭ na rody ŭ Majami i ciapier žyvie na dźvie krainy. Tut Syraježkin pracuje kiraŭnikom u fitnes-zale i čas ad času zdymajecca ŭ rekłamie i kino, šmat padarožničaje z synam i piša artykuły pra zdarovy ład žyćcia. Dźmitryj Famič adkryŭ svoj pradziusarski centr i zajmajecca raskrutkaj maładych vykanaŭcaŭ. Aficyjna hurt isnavaŭ da 2015 hoda.
Alaksandra Paŭłava
Seksualnaja televiadučaja svaim źjaŭleńniem na nacyjanalnym telebačańni zrabiła vialikaje ŭražańnie na biełaruskaha hledača. Pra jaje zahavaryli adrazu i šmat. Cikavilisia, adkul jana źjaviłasia i, viadoma ž, jak iduć spravy na asabistym froncie. Jaje abrańnikam staŭ salist hurta «Čuk i Hiek» Pavieł Syraježkin. Siońnia Alaksandra vialikuju častku času zajmajecca vychavańniem syna, sama časam zdymajecca ŭ rekłamie i vystupaje ŭ jakaści ahienta dla maładych madelaŭ.
Karyjana
Hetaja maładaja i enierhičnaja vykanaŭca začapiła publiku mocnym hołasam i vykanańniem piesień na anhlijskaj movie, teksty da jakich pisała sama. Niekalki razoŭ padavała zajaŭki na adbor na «Jeŭrabačańnie», ale tak i nie pradastaviła Biełaruś na mižnarodnym konkursie. Zatoje ŭziała Hran-pry na konkursie maładych vykanaŭcaŭ u Jałcie i trapiła ŭ tryccatku rasijskaha telekonkursu «Narodny artyst». U jaje repiertuary byli pieśni navat na francuzskaj i kitajskaj movach! Ale ŭžo bolš za 7 hadoŭ Kaciaryna Łanhier (Karyjana — sceničny psieŭdanim) nie zajmajecca tvorčaj dziejnaściu i žyvie ź siamjoj u Hiermanii.
Halina Šyškova
Maładaja śpiavačka šmat razoŭ pradstaŭlała Biełaruś na mižnarodnych konkursach, pracavała ŭ arkiestry Michaiła Finbierha i była salistkaj prezidenckaha arkiestra RB. Jaje pieršy albom «Tolki dla ciabie» patrapiŭ u ratacyi na rasijskija radyjo- i telekanały, u vyniku Šyškova atrymała nacyjanalnuju rasijskuju muzyčnuju premiju «Avacyja» «Za tvorčy prafiesijanalizm». Siońnia śpiavačka mała vystupaje i bolšuju častku svajho času pryśviačaje novamu biznesu — vyrabu dyzajnierskich aksiesuaraŭ.
Rusłan Alachno
Niejki čas Rusłan Alachno byŭ hałoŭnaj zorkaj krainy. Małady i vielmi abajalny chłopiec zavajavaŭ biełaruskuju publiku, i jana ŭvažliva sačyła za im i zaŭzieła padčas rasijskaha konkursu «Narodny artyst — 2», u jakim Rusłan u vyniku pieramoh. U Biełarusi jaho zaŭsiody ciopła prymali, u jaho było šmat kancertaŭ, a papularnaść sapraŭdy zaškalvała. Rusłan byŭ adnym z samych jarkich pradstaŭnikoŭ ad Biełarusi na «Jeŭrabačańni». A potym źnik na niejki čas z-pad uvahi. Akazałasia, što tolki dla biełaruskaj sceny. Alachno pierajechaŭ u Maskvu i staŭ aktyŭna zajmacca svajoj karjeraj užo tam. U 2014 hodzie jon zapisaŭ sumiesny chit «Serca sa škła» razam z Valeryjaj. U 2015 hodzie staŭ pieramožcam šou pieraŭvasableńniaŭ «Adzin u adzin». Siońnia Rusłan vystupaje z solnym kancertami ŭ Maskvie i nie tolki, biare ŭdzieł u mnohich hała-kancertach, a ŭ Biełaruś pryjazdžaje ŭžo jak zaprošanaja rasijskaja zorka.
Ksienija Sitnik
Maleńkuju hareznuju dziaŭčynku, jakaja pryniesła pieramohu Biełarusi na dziciačym konkursie «Jeŭrabačańnie», usia kraina pamiataje da hetaha času. Ale z taho času prajšło ŭžo 12 hadoŭ, i jana pieratvaryłasia ŭ sapraŭdnuju łedzi. Ksienija bolš nie śpiavaje (choć nie vyklučaje mahčymaści viartańnia na scenu) i ŭžo daŭno nie ŭ centry ŭvahi publiki. Jaje žyćcio mierna praciakaje ŭ Prazie, dzie jana vyvučaje žurnalistyku, a ŭ Minsk naviedvajecca tolki na vakacyjach. Ksienija nie śpiašajecca budavać vialikija płany na budučyniu, dziaŭčyna znachodzicca ŭ pošuku siabie. Jak i šmat maładych ludziej jaje ŭzrostu, Ksienija aktyŭna raźvivaje sacyjalnyja sietki, u jakich publikuje šmat jakasnych zdymkaŭ, ale mała raskryvaje svajo asabistaje žyćcio.
Kamientary