Jeŭropa nie moža zadavolić čakańni ŭsich mihrantaŭ, zajaviŭ hienieralny sakratar Savieta Jeŭropy Turbjorn Jahłand, vystupajučy na siesii PARIE ŭ Strasburhu. U toj ža čas, pa jaho słovach, heta nie mianiaje faktu, što abaviazkam dziaržaŭ źjaŭlajecca salidarnaje supracoŭnictva i dapamoha ŭ vyrašeńni prablem, źviazanych ź mihracyjaj.
Pasiadžeńnie Parłamienckaj asamblei Rady Jeŭropy ŭ sieradu całkam pryśviečana pytańniach mihracyi i biežancaŭ, paviedamlaje Radyjo Polšča.
Turbjorn Jahłand u svaim vystupie nahadaŭ, što sioleta tolki praź Mižziemnaje mora ŭ Jeŭropu prybyli kala 84 tysiač mihrantaŭ, jakija biehli ad vajny abo šukali lepšaha žyćcia. Jak adznačyŭ hienieralny sakratar Rady Jeŭropy, niekalki krain, u jakija prybyło bolš za ŭsio ŭciekačoŭ, akazałasia ŭ vielmi składanaj situacyi. Pa jaho słovach, dla niekatorych hrup siarod miascovaha nasielnictva heta stała padstavaj da raspaŭsiudžvańnia idej papulizmu, nacyjanalizmu i ksienafobii.
Jahłand źviarnuŭ uvahu na abaviazak uradaŭ pavažać pravy čałavieka ŭ adnosinach da mihrantaŭ, asabliva niepaŭnaletnich. Kiraŭnik Rady Jeŭropy nahadaŭ, što letaś u Hrecyju, Italiju, Bałharyju i Ispaniju prybyli bolš za 100 tysiač dziaciej, siarod jakich tracina — biez apieki darosłych.
Jon taksama zaklikaŭ vykonvać pryniaty Radaj Jeŭropy płan dziejańniaŭ u dačynieńni da niepaŭnaletnich mihrantaŭ, vykonvać spraščeńnie pracedur, harantavać im mahčymaść pradastaŭleńnia palityčnaha prytułku i stvaryć umovy dla intehracyi.
Maładuju supracoŭnicu «Pielenha» aryštavali za «zakliki da naniasieńnia škody Biełarusi». Joj pahražaje da 12 hadoŭ3
Kamientary