22—23 lipienia ŭ ahrasiadzibie «Art-vioska Kaptaruny» startuje Mižnarodny forum pahraničnaha kino «Chranatop. ART: REBOOT» z udziełam prahram Mižnarodnaha kanskaha fiestyvalu (h.Kansk, Rasija), dakumientalnaha kino Instytuta Adama Mickieviča (Polšča), Docudays (Ukraina), biełaruskaha maładoha kino.
Na praciahu 2 dzion na adkrytym pavietry adbuducca kinapakazy, sustrečy z režysiorami, lekcyi, abmierkavańnia, jakija źviartajucca da temy pamiežža — u muzycy, teatry, fiłasofii i — kino.
U art-fiestyvali voźmuć udzieł: režysior Andrej Kudzinienka, fiłosafy Almira Usmanava i Andrej Hornych, hukarežysior Jaŭhien Rahozin, muzykant Nasta Špakoŭskaja (Naka), kinakrytyk Anton Sidarenka.
Admysłovyja hości — Andrej Silvierstaŭ, pradziusar, režysior niezaležnaha kino, zasnavalnik Lihi ekśpierymientalnaha kino, kłuba Sinie-Fantom, prezident Kanskaha fiestyvalu (Kansk, Rasija), režysiory z Polščy Piotr Rasałoŭski (Piotr Rosołowski) i z Ukrainy Alaksandra Čupryna, čyje filmy buduć pakazany ŭ ramkach forumu.
24—28 lipienia Forum praciahnie adukacyjny kinaletnik Andreja Pałupanava i Andreja Kudzinienki, u ramkach jakoha na praciahu tydnia hrupa studentaŭ projdzie ekstremalny šlach ad naradžeńnia idei da hatovaha filma. Vynikam škoły stanuć karotkamietražnyja filmy, źniatyja ŭ Kaptarunach, najlepšyja ź jakich uvojduć u kinaalmanach «Chronotop».
Z poŭnaj prahramaj fiestyvalu možna aznajomicca tut.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž18
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary