U ZŠA va ŭzroście 77 hadoŭ pamior režysior Džordž Ramera, jaki źniaŭ film žachaŭ «Noč žyvych mierćviakoŭ». Karcina stała suśvietnaj kłasikaj i pakłała pačatak cełamu kirunku filmaŭ pra zombi, piša Bi-bi-si.
«Jon pamior spakojna, u śnie paśla niepraciahłaj, ale rašučaj baraćby z rakam lohkich, pakinuŭšy paśla siabie dobruju siamju, šmat siabroŭ i kiniematahrafičnuju spadčynu, jakoj udałosia prajści vyprabavańnie časam i jakaja praciahnie isnavać», — pryvodzić Frans Pres słovy mieniedžara režysiora Krysa Ro.
Film «Noč žyvych mierćviakoŭ», jaki ździejśniŭ pieravarot u žanry filmaŭ žachaŭ, byŭ źniaty ŭ 1968 hodzie. Ramera vystupiŭ suaŭtaram scenaryja i režysioram karciny.
Paśla vychadu film padvierhnuŭsia krytycy za vialikuju kolkaść scen hvałtu, i mnohija kinakampanii pieršapačatkova admaŭlalisia ad jaho prakatu, adnak praź niekatory čas film byŭ pryznany kłasikaj žanru i sparadziŭ mnostva sikviełaŭ i remiejkaŭ.
Z-za abmiežavanaha biudžetu - kala 114 tysiač dalaraŭ - karcina była źniataja na čorna-biełuju kamieru i pieraniesiena ŭ koler tolki ŭ 2005 hodzie. U jakaści kryvi pry zdymkach vykarystoŭvaŭsia šakaładny sirop, a akciory nasili vopratku z sekand-chendu.
Pašpart Novaj Biełarusi pačnuć vydavać z 26 studzienia. Što viadoma i jak atrymać?90
Kamientary