Jak śviedčyć analiz prapanoŭ najmalnikaŭ u ahulnarespublikanskim banku vakansij, na 5 lipienia ŭ Biełarusi naličvajecca 1,7% vakansij z uzroŭniem zarobku bolš za 1065 rubloŭ u miesiac, piša BiełTA.
Na pačatak lipienia dola svabodnych pracoŭnych miescaŭ z zarobkam ad 966 da 1065 rubloŭ składała 1%, z zarobkam ad 866 da 965 rubloŭ — 1,1%.
Udzielnaja vaha vakansij z zarobkam ad 766 da 865 rubloŭ była 2,2%, ad 666 da 765 rubloŭ — 5,1%, ad 566 da 665 rubloŭ — 6,4%, ad 466 da 565 rubloŭ — 13,9%.
68,6% vakansij prapanujuć zarobak mienšy za 465 rubloŭ.
Tak, udzielnaja vaha vakansij z zarobkam ad 366 da 465 rubloŭ — składaje 18,7%, ad 266 da 365 rubloŭ — 28,3%.
Prapanujucca i mahčymaści pryrabotku dla sumiaščalnikaŭ i tych, chto choča pracavać niapoŭny pracoŭny dzień, dadaje BiełTA. Takich vakansij naličvałasia 21,6% ad ahulnaj kolkaści svabodnych pracoŭnych miescaŭ - z apłataj pracy da 265 rubloŭ (nižej za minimalny zarobak).
Pavodle Biełstata, za maj siaredni naličany zarobak u krainie skłaŭ 795,2 rubla.
Što zapisana aficyjnaj pryčynaj śmierci adzinaha syna Jarmošynaj?9
Kamientary