Kampanija Michael Kors kupiła abutkovy brend Jimmy Choo za miljard dalaraŭ
Vytvorca modnaha adzieńnia i torbaŭ Michael Kors Holdings nabyŭ brytanski elitny abutkovy brend Jimmy Choo. Suma ŭhody aceńvajecca ŭ 896 młn funtaŭ (1,1 młrd dalaraŭ).
Jimmy Choo abviaściła ab pošuku pakupnika ŭ krasaviku hetaha hoda. U apošnija hady prodažy kampanii padali.
Zhodna z umovami ździełki, brytanski brend stanie padraździaleńniem Michael Kors.
«Nam padabajecca hłamurny styl dyzajnaŭ Jimmy Choo i toje, jak jany zadajuć trendy. My čakajem, kali Jimmy Choo dałučycca da našaj elitnaj hrupy», - zajaviŭ zasnavalnik i saŭładalnik Michael Kors Holdings Majkł Korsa.
Płan prodažu brytanskaha brenda padtrymaŭ hałoŭny akcyjanier Jimmy Choo, kampanija JAB Holdings.
U zajavie Michael Kors havorycca, što źlićcio kampanij, jak čakajecca, pavinna značna pavysić prodažy Jimmy Choo, a taksama pašyryć asartymient tavaraŭ kampanii.
U kampanii taksama spadziajucca na pašyreńnie kolkaści madelaŭ mužčynskaha abutku i na bolš aktyŭny vychad Jimmy Choo na suśvietnyja rynki, u pieršuju čarhu azijackija.
Jimmy Choo vyrablaje abutak premium-kłasu i inšyja pradmiety raskošy ad 1996 hoda.
Firmu zasnavali dyzajnier abutku Džymi Ču i były redaktar adździeła aksiesuaraŭ Vogue Tamara Miełan.
U kampanii 150 mahazinaŭ pa ŭsim śviecie.
Tufli Jimmy Choo možna niaredka ŭbačyć na «čyrvonych darožkach».
U pryvatnaści, hetamu abutku addavali pieravahu Dženifier Łopies, Biejonsie, Ema Stoŭn i hiercahinia Kiembrydžskaja Kiejt.
Ale ŭ apošnija hady rost prodažaŭ Jimmy Choo staŭ zapavolvacca. Kali try hady tamu kampanija adčytałasia ab roście prodažaŭ na 12% u paraŭnańni z papiarednim hodam, to ciapier hety pakazčyk składaje ŭsiaho 2%.
Kamientary