Кампанія Michael Kors купіла абутковы брэнд Jimmy Choo за мільярд даляраў
Вытворца моднага адзення і торбаў Michael Kors Holdings набыў брытанскі элітны абутковы брэнд Jimmy Choo. Сума ўгоды ацэньваецца ў 896 млн фунтаў (1,1 млрд даляраў).
Jimmy Choo абвясціла аб пошуку пакупніка ў красавіку гэтага года. У апошнія гады продажы кампаніі падалі.
Згодна з умовамі здзелкі, брытанскі брэнд стане падраздзяленнем Michael Kors.
«Нам падабаецца гламурны стыль дызайнаў Jimmy Choo і тое, як яны задаюць трэнды. Мы чакаем, калі Jimmy Choo далучыцца да нашай элітнай групы», - заявіў заснавальнік і саўладальнік Michael Kors Holdings Майкл Корса.
План продажу брытанскага брэнда падтрымаў галоўны акцыянер Jimmy Choo, кампанія JAB Holdings.
У заяве Michael Kors гаворыцца, што зліццё кампаній, як чакаецца, павінна значна павысіць продажы Jimmy Choo, а таксама пашырыць асартымент тавараў кампаніі.
У кампаніі таксама спадзяюцца на пашырэнне колькасці мадэляў мужчынскага абутку і на больш актыўны выхад Jimmy Choo на сусветныя рынкі, у першую чаргу азіяцкія.
Jimmy Choo вырабляе абутак прэміум-класу і іншыя прадметы раскошы ад 1996 года.
Фірму заснавалі дызайнер абутку Джымі Чу і былы рэдактар аддзела аксесуараў Vogue Тамара Мелан.
У кампаніі 150 магазінаў па ўсім свеце.
Туфлі Jimmy Choo можна нярэдка ўбачыць на «чырвоных дарожках».
У прыватнасці, гэтаму абутку аддавалі перавагу Джэніфер Лопес, Бейонсе, Эма Стоўн і герцагіня Кембрыджская Кейт.
Але ў апошнія гады рост продажаў Jimmy Choo стаў запавольвацца. Калі тры гады таму кампанія адчыталася аб росце продажаў на 12% у параўнанні з папярэднім годам, то цяпер гэты паказчык складае ўсяго 2%.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна2
Каментары