Rana ranicaj 22 studzienia 2016 hady troje źniavolenych źbiehli z turmy Orandž-Kaŭnci ŭ Kalifornii. Jany prarabili łaz u vientylacyjnuju šachtu, praleźli pa joj na dach, dzie była ŭładkavanaja zona dla prahułak, a potym z dapamohaj viaroŭki z praścin spuścilisia z dachu - i apynulisia na svabodzie.
20-hadovy Džonatan Cju čakaŭ suda pa spravie ab zabojstvie; 43-hadovy Bak Duonh padazravaŭsia ŭ zamachu na zabojstva; 37-hadovy Chasiejn Najery dva hady znachodziŭsia pad vartaj pa abvinavačvańni ŭ zamachu na zabojstva z asablivaj žorstkaściu.
Najery byŭ samym niebiaśpiečnym uciekačom. Jaho sudzili za toje, što jon vykraŭ mužčynu, a zatym katavaŭ jaho hazavaj harełkaj - i adrezaŭ achviary hienitalii, paśla čaho kinuŭ pamirać u pustyni. Mužčyna vyžyŭ, a Najery paśla ŭdałosia złavić. U palicyi jaho nazyvali «Hanibałam Lekteram» za nadzvyčajnuju žorstkaść.
Paśla ŭciokaŭ złačyncy skrali furhon i taksi, uziaŭšy kiroŭcu ŭ zakładniki. 29 studzienia Bak Duonh zdaŭsia palicyi razam z zakładnikam, Najery i Cju złavili ŭ San-Francyska na nastupny dzień. Va uciekačoŭ byli saŭdzielniki — jak u turmie (vykładčyca anhlijskaj pakazvała im karty miascovaści), tak i na voli.
Jak stała viadoma tolki ŭ kancy lipienia 2017 hoda, złačyncy zdymali ŭvieś praces uciokaŭ na videa. U roliku, dałučanym da materyjałaŭ kryminalnaj spravy pra ŭcioki, vidać, jak mužčynam udałosia praleźci praź vientylacyju z dapamohaj praścin i vybracca na dach.
Ciapier čytajuć
Na mitynhu ŭ Vilni zatrymali pravakatara. A Cichanoŭski zajaviŭ pra namier dabivacca sustrečy ź Zialenskim7
Kamientary