Čempijonka Biełarusi pa bodybiłdynhu: «Seks pierad spabornictvami — heta kruta»
U hałoŭnaj łedzi biełaruskaha fitniesu Lili Salimharejevaj vielmi kinošny los. U dziacinstvie dziaŭčyna niekalki hadoŭ surjozna zajmałasia sportam, ale kinuła jaho i paśla źmianiła ź dziasiatak prafiesij. Myła mašyny i padłohi ŭ padjezdach, pracavała aficyjantkaj u bary i tancorkaj. Ale niekalki hadoŭ tamu Lila ŭ sport viarnułasia i ŭ vyniku ŭ 2017-m stała čempijonkaj Biełarusi pa bodybiłdynhu ŭ dyscyplinie fitnies-bikini (heta tam, dzie bronzavyja sucharlavyja dziaŭčyny defilujuć pa scenie, pazirujuć, a žury staviać za heta bały). Ale dla jaje heta nie maksimum. Jana maryć stać prafiesijanałam, vystupać na spabornictvach u ZŠA i dziela ažyćciaŭleńnia mary hatovaja pajści na mnohaje. Taras Ščyry sustreŭsia ź Lilaj i zapisaŭ apovied bikinistki ab ciažkim sporcie, mužykach-nendzach, dziaŭčynkach dla zdymu, štučnych hrudziach i trešy, jakija robiacca ŭ biełaruskich načnych kłubach.
- Lila, jakimi kłopatami ty zaraz žyvieš?
- U hetym hodzie ja stała absalutnaj čempijonkaj Biełarusi, a ciapier rychtujusia da čarhovych spabornictvaŭ. Vosieński siezon pavinien być vielmi nasyčanym. Ja płanuju šmat vyjezdaŭ za miažu. Spačatku źbirajusia paŭdzielničać u Arnold Classic ŭ Barsiełonie, potym - u spabornictvach u Prazie i ŭ Polščy. Na žal, vialikaja kamanda ad Biełarusi nie źbiarecca. Fiederacyja dapamahaje nam ź vizaj, padbiraje zručnyja maršruty pieramiaščeńnia, kali spartoviec jedzie adzin i biez supravadžalnika. Jašče sudździ mohuć dapamahčy paradaj na spabornictvach. A tak usie materyjalnyja pytańni lažać na plačach spartsmienaŭ. Kali, viadoma, u ciabie niama sponsara, jaki tabie dapamahaje.
- Dziela ŭdziełu ŭ spabornictvach ty i pracuješ?
- Nu tak. Heta moj ład žyćcia. Pracujučy trenieram u fitnies-kłubie, ja płaču kredyt za kvateru, adkładaju hrošy na spabornictvy. Kupalnik — ja lublu vystupać zaŭsiody ŭ čymści novym - kaštuje ŭ rajonie 250-450 dalaraŭ, a adzin jeŭrapiejski turnir abychodzicca ŭ 700-800 jeŭra. I ty znachodzišsia tam ŭsiaho tolki 3-4 dni.
- Heta ž dźvie siaredniestatystyčnyja zarpłaty biełarusa. Što ty robiš, kab zarablać takija hrošy?
- Pracuju šeść dzion na tydzień - z paniadziełka pa subotu. Niadziela - moj adziny vychodny. Usio ž taki časam treba vyspacca. Volnaha času praktyčna niama. Maje blizkija i siabry ŭžo pryvykli da hetaha. Skažu bolš: za niekalki miesiacaŭ da spabornictvaŭ ja naohuł spyniaju telefonnyja razmovy. I pakul sama nie pazvaniu, mnie nichto nie nabiraje. Usie da hetaha ŭžo pryvykli.
Pracuju ja z 7:30 da 22:30. Spać kładusia paśla apoŭnačy. U subotu ŭ mianie skaročany dzień, mahu i ź siabroŭkami pabačycca. Ale padčas padrychtoŭki ja praktyčna nikudy nie vybirajusia. Pračynajusia ŭ 5:35-5:45. Śniedaju zvyčajna aŭsiankaj, rysam abo hrečkaj, arechami. Pju čorny čaj bieź ničoha. Usio. U 7:00 ja ŭžo pavinna być na pracy i čakać klijentaŭ. A bo jašče treba padrychtavać zału da zaniatkaŭ.
- I nie lanota tabie tak rana pračynacca?
- A ja ŭžo pryvykła i mnie zusim nieskładana. Choć padčas dzionnaj treniroŭki sychodzić vielmi šmat enierhii i chočacca paspać. Tamu ja abaviazkova rablu sabie pierapynak. I kožny dzień u mianie jość abaviazkovyja 40 chvilin dzionnaha snu.
- I dzie ty adpačyvaješ?
- Dobraje pytańnie. Ja žyvu niedaloka ad našaj zały na vulicy Łožynskaj. Tak što adpačyvać jezdžu dadomu. Ale kali niama času, ja 15-20 chvilin splu ŭ mašynie. Prosta sadžusia na piaredniaje siadzieńnie svajoj «Chondy» i zasynaju.
- A ty nie dumaješ, što z takim rytmam siabie možna prosta zahnać?
- Šmat chto tak kaža, ale ja pra heta prosta nie zadumvajusia. U mianie jość peŭnyja mety i zadačy, jakija ja chaču vykanać. I mnie, ščyra kažučy, usio roŭna, što sa mnoj budzie ŭ 40 abo 50. Ja žyvu hetym dniom.
- I jakija tvaje mety?
- Jany maštabnyja:).
- U adnym repartažy vyčytaŭ, što ty źbiraješsia źjechać u Amieryku.
- Tak, pra ZŠA dapuścili adnu vialikuju pamyłku. Ja nie chaču žyć i raźvivacca ŭ Amierycy. Nie. Ja chaču vyjhrać pro-kartu, jakaja dazvolić mnie vystupać na amierykanskich turnirach. Tam uzrovień inšy. Tam spabornictvy našmat maštabniej, čym u Jeŭropie abo ŭ Rasiei. Na hetych turnirach vystupajuć prafiesijanały, i ty nie pavinien paralelna pracavać u zale. Zamiest hetaha ty možaš prosta davać anłajn-kansultacyi. Tak pracavać našmat cikaviej, i maja padrychtoŭka da takich startaŭ była b zusim inšaj. Heta prafiesijny padychod. Uzrovień udzielnikaŭ taksama inšy. Heta zusim inšaje paziravańnie. Heta prosta inšaje. Kali naša dziaŭčynka pajedzie na jaki-niebudź amierykanski turnir adrazu paśla čempijanatu Jeŭropy, to prajhraje. Jana prosta budzie nie hatovaja.
Akramia taho, tam u spartsmienak jość sponsary, jakija apłačvajuć tvoj udzieł, za vystupy ty atrymlivaješ hrašovyja pryzy. I hrošy tam kruciacca zusim inšyja. Kolki atrymlivajuć u ZŠA fitnies-bikini? Napeŭna, paradku 9-10 tysiač dołaraŭ. Dla nas heta vielmi i vielmi značnyja zarpłaty.
Trapić na hetyja spabornictvy realna, ale ciažka. Pierad hetym treba pieramahčy ŭ vielmi mocnych jeŭrapiejskich turnirach, a dla pačatku - prajści surjozny adbor u Biełarusi, što taksama niaprosta.
- Ale ty ŭ hetym hodzie ŭžo stała absalutnaj čempijonkaj Biełarusi. Chiba siabie nie adčuvaješ najlepšaj u krainie?
- Tak, u minułym hodzie ja stała čempijonkaj u svajoj rostavaj katehoryi, a ciapier pieramahła siarod usich najlepšych. Ale nie lublu hetaje pytańnie i nie liču siabie najlepšaj bikini Biełarusi. Adnak ja zasłužyła hety status. Ja da jaho išła niekalki hadoŭ. I ŭ adroźnieńnie ad mnohich, ja svaje pazicyi nie zdavała. Kožny raz starałasia pakazvać vynik. I ciapier taksama jaho budu pakazvać. Ale sapiernic treba bajacca zaŭsiody.
- Niaŭžo kankurentki i podłaść mohuć zładzić?
- Pamiž niekatorymi bikini jość siabroŭstva, spartsmienki navat stvarajuć vielmi cikavyja sumiesnyja prajekty, ale ŭsio roŭna chtości moža zrabić podłaść na spabornictvach. Tyrać tufli, padrazajuć abcasy … Kupalniki nie kraduć, bo heta budzie zanadta prykmietna. Zatoje mohuć skraści hrym abo «niespadziavana» kapnuć im na ciabie. A lubuju plamu potym treba budzie zamazvać. Za svaimi rečami treba hladzieć dy hladzieć. Ale bolš za ŭsio nie lublu, kali miła paśmichajucca ŭ tvar, vystupajuć z taboj na adnoj scenie, a potym pačynajuć abražać za śpinoj. Ja nikoli siabie tak nie pavodziła. Kali ŭ mianie jość mierkavańnie pa vyznačanym pytańni, ja zaŭsiody hatovaja vykazać jaho ŭ tvar čałavieku.
Maja meta - amierykanskija turniry. Mnie ŭžo niekalki čałaviek prapanavali pryjechać u ZŠA. Jany hatovyja dapamahčy raźvivacca. Adzin mužčyna navat pahadziŭsia stać maim trenieram i vieści pa amierykanskich spabornictvach. Ale, paŭtarusia, heta nie majo. Žyć mianie tudy nie ciahnie. Mnie prosta chočacca pieryjadyčna ŭdzielničać u konkursach. Voś i ŭsio. Pryviadu prykład. Ja lublu spaborničać u Ispanii. Tam vydatna, ale mianie ŭsio roŭna vielmi ciahnie dadomu. Mnie padabajecca žyć u Minsku, choć sama ja, darečy, vyrasła ŭ Rasii.
- I jak ciabie naohuł zaniesła ŭ Biełaruś?
- Ja naradziłasia ŭ Salihorsku, ale praviała ŭsio dziacinstva ŭ Łanhiepasie, nievialikim miastečku ŭ Chanty-Mansijskaj aŭtanomnaj akruzie. Da Surhuta, bližejšaha bujnoha horada, 130 kiłamietraŭ. A tak navokał Łanhiepasa sucelnyja lasy, lasy, lasy. My ich jašče nazyvajem kustami, hruba kažučy, płantacyjami, na jakich pampujuć naftu.
- Čuŭ, što ŭzimku tam nierealna choładna. Jaki samy «nizki» minus ty pračuła na sabie?
- Minus 72 hradusy. Ab takoj tempieratury mnie raspaviadała mama. Asabista ja pamiataju minus 55-56 hradusaŭ. Ja vychodziła ŭ takoje nadvorje na vulicu i nie mierzła, i ŭsio było narmalna. I pieranosicca takaja zima našmat praściej, čym u Biełarusi. Čamu? Tam vielmi sucha. Z-za hetaha nizkija tempieratury mocna nie adčuvajucca. Ja, da prykładu, nie viedała, što takoje apranać kałhotki pad štany, nie viedała, što takoje valonki i navat šapki. Nasiła džynsy, boty, karotkuju kurtku «Alaska» i adčuvała siabie narmalna.
- Tak bo možna było sabie ŭsio zastudzić.
- Možna, ale horad vielmi maleńki. Tam usio znachodzicca pobač. Tolki dyskateka była na druhim kancy horada. Maja škoła znachodziłasia ad doma za dźvie chviliny chady, spartkompleks naohuł byŭ za domam. Darečy, tam, u nievialikaj zale, ja i pačała ŭ 11 hadoŭ asvojvać fitnies - zaniatki ŭ trienažorcy z elemientami akrabatyki. Chadziła ŭ siekcyju, jeździła na spabornictvy. Ale potym zdaryłasia dziciačaja traŭma. Dla treniera ja syšła na druhi płan, i jon mnie ŭ tvar skazaŭ, što ŭ inšaj dziaŭčynki pierśpiektyŭ pabolš. Na kožnaj treniroŭcy čuła, što Rada lepš, jon hnabiŭ mianie, nazyvaŭ słabačkaj. Heta było sumna. Ja zapłakanaja prychodziła dadomu i niejak paklałasia sabie, što bolš u zału nie viarnusia.
Naohuł, raniej Łanhiepas byŭ horadam naftavikoŭ - miescam, u jakim možna było zarabić dobryja hrošy. Ale niama ŭžo ni tych zarobkaŭ, ni tych rabočych, jakija jechali tudy na zarobki. Darečy, hety horad budavaŭ biełaruski narod. I tam da hetaha času vielmi šmat biełarusaŭ. Tak u Łanhiepas trapiła maja mama, jakaja rodam z Salihorska. U jaje byŭ pieršy šlub. Ale zdaryłasia trahiedyja - muž zahinuŭ, i praź niejki čas mama paznajomiłasia z maim baćkam. Sam jon z Baškiryi. Praŭda, źjechaŭ na svaju Radzimu dahladać za baćkami, i ja jaho nie bačyła z 10 hadoŭ. Mama pracavała povaram na kustach i vychoŭvała mianie adna. Ja ni ŭ čym nie mieła patreby, ale mnie mamu było vielmi škada i chaciełasia joj niejak dapamahać, chaciełasia mieć ułasnyja hrošy. Tamu jašče ŭ starejšych kłasach ja pačała pracavać - uładkavałasia aficyjantkaj u kaviarniu ŭ handlovym centry «Arbat». Heta navat była nie kaviarnia. U samym kancy biljardnaha kłuba byŭ prosty bar, u jakim pradavalisia čypsy, areški, piva i harbata.
- Da ciabie nie prystavali klijenty?
- Sa mnoj padobnaje adbyłosia tolki raz. U toj momant ja pracavała ŭžo ŭ inšaj ŭstanovie. Niesła haračuju šurpu (miasny bulon z uschodniaj kuchni - Tribuna.com), mianie začapiŭ abo azierbajdžaniec, abo čačeniec. Ja spałochałasia i vyviernuła ŭsie na jaho. Jon byŭ uvieś u šurpie. Kryčaŭ, łajaŭsia na svajoj movie, vyklikali dyrektara. Ale moj načalnik viedaŭ mianie jak vielmi dobraha rabotnika, tamu mianie nie zvolnili i nie pakarali. A voś hetaha klijenta za chamstva paprasili pakinuć kaviarniu biez apłaty rachunku.
A potym u Łanhiepas pryjechaŭ chłopiec ź Biełarusi. Jon uładkavaŭsia achoŭnikam u načny kłub, dzie ja pracavała kasiram. Mnie padałosia, što zakachałasia. U vyniku ja źjechała za im u Minsk, pieraviałasia z surhuckaha univiersiteta ŭ maskoŭski filijał. Ale my krychu pražyli razam, i ja zrazumieła, što nie hatovaja da sumiesnaha žyćcia. My raźvitalisia. Na toj momant mnie jašče nie było 18. Ja adrazu pačała šukać pracu. Było vielmi ciažka, ale ja ŭ vyniku ŭładkavałasia … na aŭtamyjku.
- Myła mašyny?
- Spačatku była zvyčajnym kasiram, ale potym zrazumieła, što myć aŭtamabili našmat cikaviej. I ja tabie skažu, što mnohim klijentam padabałasia, jak ja heta rablu.
Padychodziła da ŭsiaho vielmi adkazna. Prosta ja na toj momant chacieła sabie mašynu. I da kožnaha aŭto staviłasia tak, jak byccam heta moj aŭtamabil. Pa vyniku kožnaja była vymytaja, «vylizanaja». Usie byli vielmi zadavolenyja.
- U nas, darečy, źjaviłasia aŭtamyjka, dzie dziaŭčyny myjuć mašyny ŭ kupalnikach.
- Ale ja nie myła ŭ kupalniku:). Choć, mnie zdajecca, heta jak minimum pryhoža vyhladaje zboku. Mnie navat chočacca na heta pahladzieć. Paklikała b z saboj muža? Tak, a čamu b nie? Moj budučy muž razam sa mnoj nie budzie ni ŭ čym abmiežavany. Mnie, darečy, padabajecca žanočy stryptyz. Lublu, kali dziaŭčyny tančać estetyčna pryhoža. Mužčynski nie lublu. Heta fu! Prosta nie ŭsprymaju mužykoŭ u strynhach. Dla mianie heta žach. Dy i mnie nie padabajucca vializnyja kački. Heta, napeŭna, zman, maŭlaŭ, kali ja bikini, to i moj mužčyna pavinien być kačok. Absalutna nie. Ja baču kala siabie siaredniestatystyčnaha mužčynu, jaki prosta padtrymlivaje fihuru. Pres kubami u jaho być nie pavinien. Ja padčas «suški» (spalvańnie tłušču- Tribuna.com) zrazumieła, što lublu hatavać usiakija smačnyja piečyvy. Ale mnie jeści heta zabaroniena. Značyć, chtości pavinien značyć zamiest mianie. Pravilna? Budu karmić mužčynu.
Ja, darečy, vielmi lubiła tancavać. Skažu bolš. Ciapier taksama lublu adarvacca takim čynam. I časam tolki z-za hetaha prychodžu ŭ načny kłub. Heta prosta vykid enierhii. Byŭ čas, kali ja padzarablała ŭ Minsku ŭ načnych kłubach i tančyła hou-hou na stojkach. Heta byli chutkija hrošy. Ja pracavała ŭsiaho niekalki hadzin i za noč atrymlivała ŭ rajonie 30 dalaraŭ. Dla mianie heta była prosta praca, bo mnie vielmi patrebnyja byli hrošy.
- Jak da tancorki stavilisia naviedvalniki?
- Leźli časam. Ale ja ich biła abcasami, časam prosta žestami pakazvała, što, maŭlaŭ, chopić. U Turcyi, darečy, takoje niedapuščalna. Tam kala dziaŭčat stajać achoŭniki-ambały. I kali chto da ich lezie i prystaje, ich adrazu vynosiać.
- Tvaja praca zboku pošła nie hladziełasia?
- Nie. Stryptyzu nikoli nie było, ja nie raspranałasia. Choć i nie skažu, što dziaŭčyny, jakija tančać toples, drennyja. Kožny zarablaje tak, jak umieje. Heta taksama praca, a ja pavažaju lubuju pracu. Ale ja nie pavažaju dziaŭčat, jakija svaimi niepryhožymi pavodzinami stvarajuć drennaje mierkavańnie ab inšych. Ja nikoli nie dazvalała paśla pracy vyjści da barnaj stojki i pačać tancavać, ja nikoli nie dazvalała sabie pić kaktejli z klijentami kłuba, a bo chtości razam ź imi navat sychodziŭ … Tak, ja mahła zatrymacca ŭ hrymiorcy, pahutaryć ź siabrami, ale nikoli nie siadzieła na bary. Heta prosta ahidna. Ja realna bačyła dafiha.
- Samaja dzič, jakuju ty bačyła ŭ našych kłubach?
- Nie, nu hrupavoha seksu ja ŭ kłubach nie bačyła. Ale, skažu tak, zakrytyja viečaryny, jakija prachodziać u kłubach - heta treš. Tudy prychodziać tyja, chto razumieje, što lišnich tam nie budzie. Im zabaroniena vydavać jakuju-niebudź infarmacyju, i jany robiać niastrymnyja rečy. Kali ty tam pracuješ, hetaha nie zaŭvažaješ. Ale kali prychodziła ź dziaŭčynkami ranicaj na treniroŭku pa tancach i bačyła, jak prybiralščyca vymiataje kuču preziervatyvaŭ i nie tolki, prosta ŭ hałavie nie ŭkładvałasia, jak takoje mahło adbycca. Ja liču, što heta dzika. Heta strašna. I zaraz mnie chadzić u kłuby prosta brydka.
- Vychodzić, što mnohija pa-raniejšamu iduć u kłub dziela zdymu.
- Tak. Ciapier vielmi šmat moładzi, jakaja nie lubić pracavać. Dziaŭčynki marać pra prynca na biełym kani, jaki pryjedzie i daść im usio, što jany chočuć. A jość papiki, jakija pryjazdžajuć z roznych krain, i sustrakajucca ź dziaŭčatami. Ja prosta baču heta i mianie realna padbiešvaje. Ja, viadoma, vieru ŭ kachańnie ź pieršaha pohladu. Ale vy mnie prabačcie, adnak takich vypadkaŭ vielmi i vielmi mała. Adbyvajecca prodaž svajho cieła, zarablańnie lohkich hrošaj. Jon dziaŭčynie daŭ 200 dołaraŭ, kab jana pasiadzieła ź im u kafe, moža, noč praviała. I joj usio roŭna.
Viedaješ, ja nie saromiejusia ni adnoj svajoj pracy. Da ŭsiaho taho, što ja rabiła, staŭlusia spakojna. Ja viartałasia z kłuba, spała niekalki hadzin i potym jechała pracavać. Byŭ čas, kali ja na Asanalijeva dapamahała prybiralščycy myć padjezdy. I što? Ničoha strašnaha ŭ hetym nie bačyła.
- Jak ty viarnułasia ŭ sport?
- Siabroŭka niejak paklikała z saboj u zału. U zvyčajnuju maleńkuju zału ŭ padvale. I mnie tak spadabałasia, što na nastupny dzień ja pryjšła tudy adna. Na toj momant ja pracavała ŭ kampanii, jakaja davała hrošy ŭ pazyku. Hady try-čatyry tamu na ich byŭ bum. Ludzi prychodzili ŭ kantoru i brali pad pracenty hrošy. Mnohija dumajuć, što tudy chodziać zusim bieznadziejnyja, ale heta nie tak. Da mianie prychodzili samavityja mužčyny, jakim prosta zaraz patrebna była bujnaja suma najaŭnymi.
Ale hrošy psujuć ludziej. Byli i małaletki, byli i tyja, chto chavaŭsia, mianiaŭ telefony, nie chacieŭ potym viartać sumy, jakija z-za adsotkaŭ patrojvajucca. Samy bujny doŭh, jaki ja trymała ŭ rukach, na staryja składaŭ 48 miljonaŭ. Prosta šalonyja hrošy. Bolš za ŭsio mnie zapomniłasia historyja, kali maci hasiła doŭh biespracoŭnaha syna. Jana pracavała zvyčajnym pradaŭcom i kožny tydzień prynosiła pa 300 tysiač, a pavinien jon byŭ kala 20 miljonaŭ. Jana mianie rasčuliła, joj zaŭsiody chaciełasia čymści dapamahčy.
Z časam ja całkam biaspłatna pa vychadnych pačała treniravać siabrovak. I da mianie niejak padyšoŭ dyrektar spartzały, ubačyŭ, što ŭ mianie vartaja forma, i prapanavaŭ pasprabavać padrychtavacca da fitnies-bikini. Heta było ŭ kancy 2014 hoda. Tak usio i pačałosia. Ja tady była chudzieńkaja. Pry roście 170 sm važyła 54 kiłahramy. Ja nastolki chacieła pracavać, što nie zaŭvažała nijakich składanaściaŭ.
Mocna źmianiŭsia moj racyjon. Da hetaha ja siłkavałasia pa pokličy straŭnika. Piła vielmi šmat kavy i jeła bułački, jakija pradavalisia niedaloka ad pracy. Jeła vielmi redka. Ale potym ja pačała «sušycca». Stała jeści aŭsianyja šmatki, tvaroh, zialonyja sałaty z ahurkom i šmat miasa. Źjadała pa kiłahramie varanaj kurycy ŭ dzień! Praŭda, tady ja jašče nie viedała, što takoje kaša, jeła mała vuhlavodaŭ, i hublała tłušč zusim inakš, čym ciapier. Ja vielmi lublu picu na toŭstym cieście (moj rekord za raz amal 3 kiłahramy) i nie vielmi lublu sałodkaje. Ale paśla pieršaha čempijanatu respubliki, a ja tam zaniała druhoje miesca, adrazu ž kinułasia na rynak i kupiła sabie 2 kiło ziefiru. Ja da hetaha nie razumieła, čamu ŭsio jaho tak lubiać. A potym zrazumieła, što jon prosta vielmi smačny. Što tyčycca praktykavańniaŭ … Da prykładu, nahami ja tady cisnuła 120-130 kh. Zaraz na 8 padychodaŭ mahu pastavić sabie 330 kh. Tak usio pačynałasia.
- Ja čuŭ, što ŭ pieršy čas paśla spabornictvaŭ, kali viartajecca vaha, vielmi składana.
- Sapraŭdy. Kali vychodzić pastupova, to ŭsio budzie narmalna, ale ŭ mianie nie tak. Choć i abiacaju sabie, usio roŭna nie ŭdajecca. Na druhich spabornictvach ja była jašče sušejšaja. Ja była prosta mieha-suchaja. Choć racyjon nie źmianiŭsia.
- A farmakałohiju prymaješ?
- Nie, nikoli. Ale, skažu ščyra, kali b aficyjna možna było ŭžyvać preparaty, jakija zabaronienyja, i davieści svajo cieła da idealnaha stanu, ja b na heta pajšła. Čamu? Chaču być najlepšaj i hatovaja na mnohaje dziela hetaha. Ale my z trenieram suprać chimii. My - za žyvoje miasa, a žyvoje miasa najadajecca. Užyvaju tolki prateinavyja kaktejli.
- Heta praŭda, što ŭ fitnies-bikini źnikaje mienstruacyja?
- Tak, u 98 pracentaŭ dziaŭčat, jakija zajmajucca našym sportam. Ale ja ŭvachodžu ŭ tyja 2 adsotki, u jakich jana zastajecca. Adnak ja b vielmi chacieła, kab jana źnikła. Rastłumaču čamu. Heta nie z-za taho, što ja vielmi chaču mieć dziaciej:). Prosta ŭ mianie heta časta adbyvajecca pierad spabornictvami. U vyniku źjaŭlajecca aciok, jaki mnie zusim nie patrebny. Ja nie prymaju zabaronienyja preparaty, tamu ničoha nie mahu zrabić, kab hety aciok spaŭ. Ty čatyry miesiacy rychtuješsia da spabornictvaŭ, a potym u adzin momant … Karaciej, na spabornictvy ty vychodziš nie ŭ toj formie, u jakoj chaciełasia b. Ale z hetym ničoha nie zrobiš.
- Jość jašče adna historyja, jakuju raspaviadajuć ab fitnies-bikini. Maŭlaŭ, mnohija ź ich robiać sabie štučnyja hrudzi. Paćviardžajecca?
- Tak, i ŭ mianie jany taksama štučnyja.
- Ale navošta?
- Vyklučna dla sportu. Na dadzieny momant dla mianie hrudzi - heta instrumient, z dapamohaj jakoha ja chaču damahčysia peŭnych vynikaŭ na scenie. U 2016-m ja ŭpieršyniu pajechała na čempijanat Jeŭropy. Dla mianie heta byŭ pieršy kantynientalny turnir. I ja tam, što tut kazać, «abkakałasia». My jechali tudy biez mety, my jechali tudy dla taho, kab paraŭnacca ź inšymi spartsmienkami, ale ja ŭsio roŭna abłažałasia. Mała taho, što ja była nievialikaja pa masie, dyk ja siarod usich była samaj drobnaj. I z 100 adsotkaŭ udzielnic 99 stajali z hrudźmi. Ale hetamu adnym adsotku nijaki kupalnik nie padymie hrudzi, nie zrobić ich takimi šykoŭnymi, jak heta zrobić płastyčny chirurh z dapamohaj impłantataŭ. Kali ty chočaš być na prafiesijnaj arenie, tabie ŭ lubym vypadku daviadziecca rabić hrudzi. Kaliści ŭ mianie byŭ svoj amal čaćviorty pamier, ale, blin, dzie jon zaraz?! Z-za zaniatkaŭ sportam hrudzi źnikli. Bo hrudzi - heta tłušč, a jon sychodzić.
Lekar spačatku chacieŭ mnie dać paŭnavartasnuju dvojku. Ale ja jamu skazała: «Nie! Mnie treba, kab spačatku ŭvachodzili hrudzi, a potym užo ja». Jon paśmiajaŭsia i ŭ vyniku syšlisia na trojcy. Z-za taho, što ŭ mianie mocnyja hrudnyja myšcy, ich doŭha nie mahli razrezać. Pra siabie dali viedać zaniatki sportam. Zvyčajnaja apieracyja doŭžycca 1,5 hadziny, a maja - 4.
U hetym hodzie na spabornictvy ja jeździła ŭžo z hrudźmi, i jany mnie padabajucca. Ja stała bolš praparcyjnaj, mnie nie treba šyć stromny biusthaltar, kab pavialičyć formy. A to, byvaje, varta pryhožaja dziaŭčyna, a potym ty zboku hladziš i bačyš, što jaje biusthaltar pavialičyŭsia na 8-10 santymietraŭ. Vy možacie sabie heta ŭjavić? Ja nie mahu.
- Jak adreahavaŭ tvoj chłopiec?
- Spytaŭ, navošta mnie heta treba. Skazała, što ŭ zvyčajnym žyćci mnie heta nie treba, zatoje treba dla sportu. Ja b u lubym vypadku heta zrabiła. Treba razumieć, što ciapier u maim žyćci jość dźvie važnyja składniki: mama i sport. Usio astatniaje pakul znachodzicca na druhim płanie.
- Raz užo zahavaryli pra mužčyn. Seks pierad spabornictvami dla fitnies-bikini — heta narmalna?
- Seks paśla treniroŭki - heta ciažka. U ciabie na jaho prosta nie zastajecca sił, a voś seks pierad spabornictvami — heta kruta. Ty ŭsiu svaju ahresiju pavinna dzieści vypluchnuć i vyjści vystupać spakojnaj na ŭsie sto adsotkaŭ. Va ŭsich sensach. I nie pašancavała toj bikini, u jakoj niama mužčyny padčas padrychtoŭki. Sprava ŭ tym, što padčas hetaha pieryjadu dziaŭčyna stanovicca patrabavalnaj, joj chočacca vykidvać enierhiju. Kali chto kaža, što paśla seksu dziaŭčyna choča spać, heta padman. Idzie pryliŭ novaj enierhii. I hety momant treba złavić. Važna, kab tolki pobač byŭ partnior, jaki b ciabie całkam zadavalniaŭ. Ale byvajuć dni, kali da ciabie lepš nie padychodzić. Chtości navat u internecie piša, što ja złaja, niadobrazyčlivaja, pachmurnaja. Ale ja pachmurnaja z-za taho, što pracuju pa 15-16 hadzin, u mianie «suška», mnie chočacca jeści. Na pracy ja zvyčajny pacan, jaki nosić mužčynskija kašuli, nie apranaje ablahajučuju vopratku. Na tvary niama makijažu, na hałavie - chvost. Ja ŭ zale pacanka. Ale ludziej heta nie biantežyć. Jany prychodziać da mianie realna pracavać. Usio vielmi adekvatnyja.
- Dziaŭčaty prychodziać u zału taksama, kab papracavać?
- Nu, heta stała modnym. Mužčyny ciapier taksama addajuć pryjarytet spartovym dziaŭčatam, a nie chudarlavym i poŭnieńkim. Ciapier užo nie iduć stereatypy 90-60-90. Ciapier dziaŭčyny chočuć sabie spartyŭnuju fihuru. Mnie zdajecca, jany dobra adčuvajuć siabie ŭ takim ciele, nu i jość tyja, chto choča takim čynam vyrašyć asabistaje pytańnie. Sapraŭdy, mnohija raniej prychodzili tolki dziela taho, kab pahladzieć na pryhožych chłopčykaŭ. Zaraz takoje taksama zdarajecca. Heta vidać adrazu. Jak vyznačyć? Dziaŭčyna ŭsia pry miejkap, z układzienymi vałasami i ŭ karacieńkich šorcikach albo ŭ jakim-niebudź pryhožym kambiniezonie. A jašče ad jaje budzie pachnuć za kiłamietr, i jana budzie chadzić pa zale ŭ słuchaŭkach i rabić vyhlad, što trenirujecca. Z usich takich u kłubach takich, napeŭna, 30 adsotkaŭ. Ale pa-durnomu i tupa iści ŭ zału šukać mužyka. Kali mužčyna pryjšoŭ u zału dziela sportu, jon budzie zajmacca i hladzieć na hanteli, štanhu i trenažor, ale nijak nie na dziaŭčat u šortach.
- Jakija niepryjemnyja paraŭnańnia ty čuła pra siabie?
Niekatoryja bačać, što ja mocnaja, i paraŭnoŭvajuć mianie z mužykom:). Ciapier šmat žanockich chłopcaŭ. Časam navat nie zrazumieć, chto idzie pierad taboj, - chłopiec abo dziaŭčyna. Realna. I šmat chto ŭ muskulistaj dziaŭčynie bačać mužyka, choć ni adnu bikini vy nie pierabłytajecie z mužčynam. Časam takija paraŭnańni kryŭdziać, a časam mnie prosta ŭsio roŭna. Bo dla kahości ja zaŭsiody budu pryhožaj spartyŭnaj dziaŭčynaj, a dla kahości zastanusia mužykom. Dla niekatorych bab ja žudasnaja, chtości hladzić na mianie z pahardaj, a dla niekaha ja - dobraja matyvacyja.
Što tyčycca charaktaru, kali b ja sustreła mocnaha mužčynu, jaki moh by mianie padavić, to tady mnie było b praściej. A tak u mianie ŭ samoj vielmi mocny charaktar. Prosta mužčyna pavinien abierahać, abaraniać, dapamahać, zabiaśpiečvać. Heta zakładziena ŭ hienach. Ale kali mužčyna słabiejšy za mianie, to dla čaho jon mnie taki? Praŭda? A ciapier prablema mnohich mužčyn jak raz taki ŭ tym, što jany nendzy. Jany mohuć zarablać, ale nie chočuć hetaha rabić. Jany nie chočuć šmat pracavać, ale pry hetym žadajuć, kab ich «ablizvali» - kab doma było navarana, pamyta, prybrana. Nie, ja suprać takoha, kab usio było zaviazana na žančynie.
- Na što ty hatovaja pajści, kab zrabić svajo cieła jašče lepšym?
- Pracavać i dniom, i nočču. A toje, što možna było pierajnačyć nie svajoj pracaj, nie atrymaŭšy dyskvalifikacyju, ja ŭžo pierajnačyła. Vusny? Adnojčy ja zapampavała ich hiałuronavaj kisłatoj. Ale nie dla nadańnia im pyšnaści, prypuchłaści. Mnie tolki vyraŭniali nižniuju i vierchniuju. Usio. I nichto tak i nie zrazumieŭ, rabiła ja sabie vusny ci nie. Maksimum, jaki ja mahu zrabić, - heta naraścić vałasy. Ja svaje doŭhija niejak sastryhła i mnie ciapier ich adhadavać vielmi składana. Pierad spabornictvami zaŭsiody vyrazna pradumvaju svoj vobraz. I ŭ maim ujaŭleńni jon zaŭsiody malujecca z doŭhimi vałasami. Ščyra kažučy, ja vielmi chaču sabie tatuiroŭki. Heta maja słabaść. Ale mianie spyniaje sport. Nielha, kab majo cieła było zatatuiravana bolš, čym na 30 adsotkaŭ. Nam heta zabaraniajuć praviły.
- Skažy, a jakaja pabočka čakaje dziaŭčat paśla voś takoha spartyŭnaha žyćcia?
— Prablemy ŭ niejkaj stupieni jość va ŭsich, i jany zusim roznyja. Nie tak prosta sprahnazavać, jak budzie pavodzić siabie arhanizm praz peŭnuju kolkaść času. U kahości adryvajucca tromby, zdarajucca insulty. U kahości źjaŭlajucca škodnyja zvyčki. Ja viedaju bikinistak, u jakich jość dzieci, mužy, jakija supravadžajuć dziaŭčat na spabornictvach, ale šmat u kaho z-za spartyŭnych nastupstvaŭ dziaciej niama. I im davodzicca brać ich na vychavańnie.
— I ty nie baišsia, što padobnaje moža być z taboj?
— Nie. Ja žyvu siońniašnim dniom, ale siabie va ŭsim kantraluju i padobnaha nikoli nie dapušču.
- Dobra, i apošniaje pytańnie. Jakoj Lila Salimharejeva bačyć siabie praz 10 hadoŭ?
— Da taho času ja budu zaharełaj brunetkaj z prasušanym ciełam. Budu vyhladać jašče lepš, čym ciapier. U mianie budzie całkam «zabitaja» pravaja ruka. Na joj buduć tatu, źviazanyja sa sportam, buduć nadpisy, pryśviečanyja maci. A jašče leŭ, bo heta moj znak zadyjaku, i butony lilei. Ja zaŭsiody budu ŭ dobraj formie, z pramalavanym presam. Ja budu špacyravać na špilkach, mnie heta vielmi padabajecca. U mianie budzie svaja trenažornaja zała, ułasny zaharadny dom i šykoŭnaja mašyna. Dumaju, u mianie da taho času ŭžo budzie muž. Kim jon budzie pracavać, mnie biez roźnicy. Hałoŭnaje, kab ja jaho kachała.
Fota Ramana Lebiedzieva i z asabistaha archiva Lilii Salimharejevaj.
Ciapier čytajuć
Novy pasoł Ukrainy pa pytańniach Biełarusi: «Pryznajom Cichanoŭskuju lidaram. A ŭ Łukašenki niama manapolii na hołas naroda»64
Kamientary