Chto toj chłopiec, jaki čakaŭ dziaŭčynu pad daždžom u Minsku? Vy dakładna bačyli toje ramantyčnaje videa
Učora ŭsie biełarusy zamiłoŭvalisia historyjaj chłopca, jaki pad daždžom čakaŭ kachanuju z kvietkami na prypynku la Mak.by na Niamizie. Dziakujučy sacsietkam adšukać paru atrymałasia chutka.
Źniała ramantyčnuju karotkamietražku aktorka teatra i kino Alesia Kłačko. Kaža, što atrymałasia ŭsio vypadkova.
Historyja razhortvajecca ŭ pachmurny, daždžlivy dzień. Małady čałaviek z bukietam čyrvonych ruž siadzić na parapiecie ažyŭlenaj darohi, mima jeduć mašyny, tralejbusy. Chłopiec vyhladaje napružanym: u čakańni jon skurčyŭsia ad choładu i daždžu, ale bieražliva trymaje kvietki.
Vidać, sustreča była pryznačana ŭ hetym miescy, ale čakańnie zaciahnułasia.
U niejki momant chłopiec ustaje — dziaŭčyna pryjšła. Tyja, chto sačyŭ za dramaj, vybuchajuć apładysmientami.
Za adzin dzień rolik u instahramie nabraŭ kala paŭmiljona prahladaŭ i bolš za 30 tysiač łajkaŭ. U kamientarach adznačyłasia alimpijskaja čempijonka pa bijatłonie Dzinara Smolskaja: «Jak maci chłopčyka pryjemna hladzieć i brać prykład vychavańnia».
Mak.by taksama apieratyŭna adreahavaŭ: stvaryŭ komiks z hetaj historyjaj, a aŭtarcy videa prapanavaŭ biaspłatnuju viačeru ŭ svaim restaranie. Hierojam ramantyčnaha videa, darečy, paabiacali toje samaje.
Dziakujučy mocy sacsietak spačatku znajšłasia maci chłopca, potym dziaŭčyna, a paśla ŭžo i sam Ramea. «Heta moj chłopiec!», «Uch ty, voś heta było niečakana pabačyć siabie ŭ stužcy. Dziakuj, što zaśniali taki cudoŭny momant!», — napisali ŭ kamientarach pad videa maładyja ludzi.
Hałoŭny hieroj hetaj ramantyčnaj historyi — Raman, jon zajmajecca muzykaj i hraje pop-pank u hurcie.
Jaho dziaŭčyna Liza tolki piać dzion tamu skončyła škołu. Pa jaje instahramie bačna, što jana vielmi lubić aryhinalny manikiur.
U toj dzień para śviatkavała piać miesiacaŭ z pačatku adnosin — mienavita z hetaj nahody Raman byŭ z bukietam ruž. Kažuć, heta ich pieršaje kachańnie.
Ciapier čytajuć
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała21
19‑hadovy kursant Akademii MUS nabiŭ sabie na łbie mišeń i pajechaŭ šturmavać Zaparožža. Ideja spracavała
Statkievič: Lidary ruchu za demakratyju pavinny zastavacca ŭ krainie, navat kali košt hetaha vialiki. Dyjaspara moža adyhrać tolki dapamožnuju rolu4949
Kamientary