Urad Rasii uchvaliŭ kredyt Biełarusi na $700 miljonaŭ dla apłaty staroha rasijskaha kredytu
Urad RF uchvaliŭ prajekt pahadnieńnia ab pradastaŭleńni dziesiacihadovaha dziaržkredytu Biełarusi na $ 700 miljonaŭ.
Minfinu sumiesna z MZS daručana pravieści pieramovy ź biełaruskim bokam i padpisać pahadnieńnie, havorycca ŭ rasparadžeńni, padpisanym premjer-ministram Rasii Dźmitryjem Miadźviedzievym 19 žniŭnia.
Zhodna z prajektam, kredyt budzie pahašacca dvuma štohadovymi tranšami — u krasaviku i kastryčniku — pačynajučy z 2018 hoda. Suma tranšaŭ budzie pastupova raści: z 2,5% ad sumy ŭ pieršyja niekalki hadoŭ da 9,5% u krasaviku i kastryčniku 2027 hoda.
Staŭka - 6-miesiačny LIBOR plus marža, jakaja raźličvajecca jak roźnica pamiž prybytkovaściu dalaravych jeŭrabondaŭ RF z pahašeńniem praz 7 hadoŭ i raźlikovaj staŭkaj 7-hadovaha adsotkavaha svopu ŭ dołarach.
Kredyt pryznačany na refinansavańnie abaviazacielstvaŭ Biełarusi pierad RF pa raniej atrymanaj pazycy. Pryncypovaja damoŭlenaść ab vydzialeńni kredytu była dasiahnuta na ŭzroŭni kiraŭnikoŭ dziaržaŭ u pačatku krasavika hetaha hoda.
Ciapier čytajuć
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary