Śledčy adździeł Instytuta nacyjanalnaj pamiaci Polščy pačaŭ kryminalnuju spravu suprać byłoha prezidenta Polščy, lidara lehiendarnaha ruchu «Salidarnaść» Lecha Valensy pa spravie ab dačy zaviedama iłžyvych pakazańniaŭ, paviedamlaje Radyjo Polšča.
Sprava tyčycca łžyvych pakazańniaŭ, pradstaŭlenych Lecham Valensam u jakaści dokazaŭ pa spravie ab piersanalnaj tečcy i tečcy tajnaha supracoŭnika Słužby biaśpieki Polskaj narodnaj respubliki «Boleka», jakija byli znojdzienyja ŭ domie hienierała Česłava Kiščaka paśla jaho śmierci.
Nahadajem, šerah historykaŭ zapeŭnivajuć, što lidar ruchu «Salidarnaść» i paźniej prezident Polščy Lech Valensa ŭ časy PNR supracoŭničaŭ sa Słužbaj biaśpieki. U lutym 2016 hoda INP Polščy apublikavaŭ tajemnyja dakumienty, jakija tyčacca sakretnaha supracoŭnika pad psieŭdanimam «Bolek» i byli padpisany eks-prezidentam Polščy Lecham Valensam.
Paśla apublikavańnia dakumientaŭ były prezident Polščy zajaviŭ, što jon ničoha nie pisaŭ i nie padpisvaŭ. U suviazi z hetym prakurory instytuta praviali ekśpiertyzu, ci padrablali supracoŭniki Słužby biaśpieki dakumienty z asabistaj spravy Lecha Valensy i pracoŭnaj tečki tajnaha supracoŭnika «Boleka». U kancy červienia paśla daśledavańniaŭ u Instytucie sudovych ekśpiertyz u Krakavie i pakazańniaŭ śviedak, u tym liku byłych supracoŭnikaŭ SB, prakurory INP pryjšli da vysnovy, što bolš za 50 dakumientaŭ u pieryjad z 1970 pa 1976 hoda, u tym liku abaviazacielstvy ab supracoŭnictvie sa Słužbaj biaśpieki, spravazdačy i raśpiski ab atrymańni hrošaj, źjaŭlajucca sapraŭdnymi, to bok jany byli napisanyja ci padpisanyja Lecham Vałensam.
Kiraŭnik śledčaha adździełu Instytutu nacyjanalnaj pamiaci, prakuror Andžej Pazorski paviedamiŭ, što sprava tyčycca taksama i inšych spraŭ, pa jakich były prezident Polščy davaŭ pakazańni i padčas jakich śćviardžaŭ, što nie supracoŭničaŭ sa Słužbaj biaśpieki PNR i nie atrymlivaŭ uznaharod.
Sudovaje raźbiralnictva było adkryta 29 červienia pa ŭkazańni Hienieralnaj prakuratury.
-
Bienhalskija ahni na šampanskim stali pryčynaj pažaru ŭ bary ŭ Šviejcaryi, dzie zahinuli 40 čałaviek
-
Kirujučaja partyja Hiermanii choča vysyłać siryjcaŭ, jakija biehli ad hramadzianskaj vajny, nazad na radzimu — navat rehularnymi rejsami
-
Jeŭrakamisija pačała rasśledavańnie z-za tyktokaŭ, stvoranych z dapamohaj štučnaha intelektu, jakija zaklikajuć da vychadu Polščy ź ES
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»3
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary