Avijakampanija «Biełavija» z kanca kastryčnika 2017 hoda źmianiaje normy pravozu bahažu i pierachodzić z vahavaha sposabu (limitavańnie vahi bahažu) na kolkasny (limitavańnie adzinak bahažu), piša sajt hramadzianskaj avijacyi msq.by.
Pasažyr z kvitkom u ekanamičny kłas, jak i raniej, zmoža ŭziać na bort «Biełavii» adno miesca ručnoha bahažu i zdać adno miesca ŭ bahaž. Adroźnieńnie budzie tolki ŭ vazie, pamiery i koštu za pieravyšeńnie normaŭ.
Pasažyry ekanamičnaha kłasa zmohuć uziać z saboj u palot adno miesca bahažu vahoj nie bolš za 23 kiłahramy (raniej 20 kh). Dla biznes-kłasa praduhledžana dva miescy bahažu, ale z vahoj 32 kh (raniej adno miesca i 30 kh).
Pry pieravyšeńni normy spahaniajecca apłata ŭ pamiery: pieravyšeńnie pa vazie — 50 jeŭra, pieravyšeńnie pa kolkaści miescaŭ - 50 jeŭra i abydziecca ŭ 100 (sumujecca i vaha (50 jeŭra) i miesca (50 jeŭra) za kožnaje miesca.
Pasažyry ekanamkłasa zmohuć uziać u sałon adzin čamadan abo sumku vahoj nie bolš za 8 kh. Habaryty adnaho miesca nie bolš 50ch40ch20 sm abo ŭ sumie troch vymiareńniaŭ nie pavinny pieravyšać 115 sm.
Ciapier čytajuć
«Čamu ja pavinien dakazvać, što nie darmajed?» Pradprymalnika z Homiela pamyłkova zapisali ŭ niezaniatyja — jon daviedaŭsia tolki paśla vializnych rachunkaŭ za kamunałku22
Kamientary