Premjera dakumientalnaha filma «Pieršadruk» da 500-hodździa biełaruskaha knihadrukavańnia adbudziecca ŭ Dzień biełaruskaha piśmienstva 3 vieraśnia ŭ Połacku, paviedamili BIEŁTA ŭ Ministerstvie kultury Biełarusi.
Film źniaty na Nacyjanalnaj kinastudyi «Biełaruśfilm» režysioram Iharam Čyščeniam. Pakaz u kinateatry «Radzima» pačniecca ŭ 11.00. U hety ž dzień pracu biełaruskich kinadakumientalistaŭ zmohuć ubačyć telehledačy kanała «Biełaruś 3». U efiry film zajaŭleny ŭ 10.00.
Hledačy biełaruskaj stalicy atrymajuć mahčymaść paznajomicca z karcinaj 4 vieraśnia ŭ 14.30 u Domie kino.
Karcina zdymałasia na terytoryi čatyroch krain: u Biełarusi (Minsk, Połack, Vilejka), Polščy (Krakaŭ), Čechii (Praha) i Rasii (Sankt-Pieciarburh). Jana pakazvaje žyćciovy šlach biełaruskaha pieršadrukara, prapanuje prajści jaho darohami.
Aŭtar scenaryja Uładzimir Maroz i režysior Ihar Čyščenia raskryvajuć asobu vialikaha pieršadrukara ŭ kantekście sučasnaści. Metaj stvaralnikaŭ było nie prosta raskazać bijahrafiju Skaryny, a pakazać, što jaho idei i pryncypy žyvuć siońnia. Akramia pracy scenarysta i režysiora kinakrytyki adznačajuć zdymki apieratara Alaksandra Akavickaha i muzyku, admysłova napisanuju da filma Alaksandram Krucielem.
«Anlifanščyca ź Pinska» kaža, što jana nie anlifanščyca i nie ŭ rabstvie ŭ Mjanmie6
Kamientary