Nacyjanalny aeraport užo niekalki miesiacaŭ razhladaje metazhodnaść biełaruskamoŭnych ukazalnikaŭ i budzie dumać da kanca hoda
U Nacyjanalnym aeraporcie Minsk źjaviacca ŭkazalniki na kitajskaj movie.
«U apošni čas u nas idzie vielmi vialiki patok pasažyraŭ z Kitaja. I nie tolki tranzitnych, hości z Padniabiesnaj siońnia laciać mienavita ŭ Biełaruś. Mahčyma, svaju rolu ŭ hetym adyhrała budaŭnictva industryjalnaha parka «Vialiki kamień» i ŭ cełym turystyčnaja pryvabnaść našaj krainy», — abhruntavała novaŭviadzieńnie pres-sakratarka aeraporta.
Ciapier, atrymlivajecca, daviedačnaja infarmacyja budzie na troch movach: anhlijskaj, ruskaj i kitajskaj.
Ale kali ŭ nacyjanalnym biełaruskim aeraporcie źjavicca biełaruskaja mova?
My adrasavali hetaje pytańnie ŭ pres-słužbu aeraporta.
«Hetaje pytańnie razhladajecca. Jak daŭno? Niekalki miesiacaŭ užo. Kali budzie pryniataje rašeńnie? Da kanca hoda», — skazała nam pradstaŭnica pres-słužby Ramina Samatchanava.
My taksama pacikavilisia, chto ŭvachodzić u skład hrupy pa razhladzie hetaha składanaha pytańnia, jakoje vymahaje hoda analizu.
«Heta zakrytaja infarmacyja, navošta vam?» — skazaŭ kiraŭnik słužby Alaksandr Karablikaŭ i paraiŭ źviartacca pa hetuju infarmacyju piśmova.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary