Pasolstva Ukrainy nie rekamienduje svaim hramadzianam jeździć u Rasiju praź Biełaruś
Pasolstva Ukrainy ŭ Biełarusi rekamienduje ŭkrainskim hramadzianam ustrymacca ad pajezdak, źviazanych ź pierasiačeńniem biełaruska-rasijskaj dziaržaŭnaj miažy, aproč jak avijacyjnym transpartam. Pra heta havorycca ŭ paviedamleńni, apublikavanym u paniadziełak na staroncy viedamstva ŭ fejsbuku.
Rasija, spasyłajučysia na adsutnaść punktaŭ propusku praz rasijska-biełaruskuju dziaržaŭnuju miažu, zabaraniła jaje pierasiačeńnie hramadzianami trecich krain, akramia hramadzian Rasii i Biełarusi, u tym liku členami dypłamatyčnaha i administracyjna-techničnaha piersanału dypłamatyčnych pradstaŭnictvaŭ, konsulskich ustanoŭ i pradstaŭnictvaŭ mižnarodnych arhanizacyj, havorycca ŭ paviedamleńni
Razam z tym z 15 maja 2017 hoda rasijski bok ažyćciaŭlaje pahraničny kantrol pavietranych sudoŭ, jakija prybyvajuć u Rasijskuju Fiederacyju z terytoryi Respubliki Biełaruś, a taksama tych, što viartajucca ŭ zvarotnym kirunku.
U hetaj suviazi ŭsim hramadzianam trecich krain, u tym liku členaŭ dypłamatyčnaha i administracyjna-techničnaha piersanału dypłamatyčnych pradstaŭnictvaŭ, konsulskich ustanoŭ i pradstaŭnictvaŭ mižnarodnych arhanizacyj rekamiendujecca dla pajezdak pa nazvanym maršrucie vykarystoŭvać avijacyjny transpart.
Pavodle infarmacyi Ministerstva zamiežnych spraŭ Respubliki Biełaruś, uličvajučy toje, što pamiž Respublikaj Biełaruś i Rasijskaj Fiederacyjaj adsutničajuć dziejsnyja pahadnieńni ab punktach propusku, rašeńnie ab ustalavańni punktaŭ propusku na biełaruska-rasijskim učastku dziaržaŭnaj miažy nie prymalisia, kantrol na hetym učastku dziaržaŭnaj miažy Pahraničnaj słužbaj Respubliki Biełaruś nie ažyćciaŭlajecca, adznačajecca ŭ zajavie pasolstva.
«U suviazi z hetym, pasolstva Ukrainy ŭ Respublicy Biełaruś rekamienduje ukrainskim hramadzianam ustrymacca ad pajezdak, źviazanych ź pierasiačeńniem biełaruska-rasijskaj dziaržaŭnaj miažy, akramia pierasiačeńnia avijacyjnym transpartam», - adznačajuć dypłamaty.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii18
Kamientary