U Homielskim rajonie žančyna vypała z paŭpryčepa traktara i trapiła pad koły dvuch lehkavych aŭtamabilaŭ, paviedamiła BIEŁTA aficyjny pradstaŭnik UDAI UUS Homielskaha abłvykankama Natalla Chałalejenka.
DTZ adbyłosia ŭviečary 3 kastryčnika na aŭtadarozie miaža RF—Homiel—Kobryn. Žančyna 1983 hoda naradžeńnia vypała z paŭpryčepa traktara na prajeznuju častku. Jana pamierła na miescy zdareńnia.
«Pieršapačatkova kiroŭca pieršaha aŭto rastłumačyŭ, što ruchaŭsia pa darozie i zaŭvažyŭ lažačaha čałavieka. Abjechaŭšy jaho, jon spyniŭsia na abočynie, kab paznačyć pieraškodu avaryjnym znakam. Adnak nie paśpieŭ, aŭtamabil, jaki jechaŭ śledam za im, taksama ździejśniŭ najezd na čałavieka. Viadoma, što traktar, u jakim jechała žančyna, nie byŭ zarehistravany va ŭstanoŭlenym paradku, kiravaŭ im 37-hadovy mužčyna biez paśviedčańnia kiroŭcy i z prykmietami ałkaholnaha apjanieńnia. Darečy, jon nie adrazu zaŭvažyŭ źniknieńnie pasažyrki», — raspaviała padrabiaznaści Natalla Chałalejenka.
Pry ahladzie miesca zdareńnia i transpartnych srodkaŭ supracoŭniki DAI vyjavili, što pieršy aŭtamabil, sprabujučy abjechać pieraškodu, najechaŭ na žančynu zadnimi kołami, druhi aŭtamabil, jaki ruchaŭsia za im, ździejśniŭ najezd paŭtorna.
U dačynieńni da kiroŭcy pieršaha aŭtamabila raspačataja kryminalnaja sprava pa č. 2 art. 317 (parušeńnie PDR abo ekspłuatacyi transpartnych srodkaŭ, jakoje paciahnuła pa nieaściarožnaści śmierć čałavieka) KK.
Pryznačany šerah ekśpiertyz i pravierak, jakija dapamohuć vyjavić, śmierć žančyny nastupiła z-za padzieńnia abo ad najezdu aŭtamabila.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty27
Kamientary