Ispanskaja palicyja aryštavała kiraŭnikoŭ niezaležnickich NDA Katałonii
Ispanskaja palicyja aryštavała kiraŭnikoŭ najbolšych niedziaržaŭnych arhanizacyj Katałonii. U turmu Madryda źmieščany kiraŭnik Nacyjanalnaj asamblei Katałonii Žordzi Sančes i Žordzi Kuisart, staršynia tavarystva Òmnium Cultural, paviedamlaje barsiełonskaja hazieta «Vanhuardyja».
Òmnium Cultural (vymaŭlajecca jak «Omnium kułturał», pierakładajecca jak «Kulturnaja supolnaść») — tavarystva, jakoje pa svaich zadačach padobnaje da biełaruskaha Tavarystva biełaruskaj movy ci kampanii «Budźma biełarusami». Jano maje za metu spryjać raspaŭsiudu katałanskaj movy i kultury. Jano było stvorana intelihiencyjaj jašče pry dyktatury Franka ŭ 1961 hodzie. Ad 1990-ch jano stała vystupać za niezaležnaść Katałonii. Štohod jano arhanizoŭvaje «Śviata za svabodu» — anałah biełaruskaha Dnia Voli. «Omnium kulturał» naličvaje kala 65 tysiač aktyvistaŭ, prytym što ŭ Katałonii žyvie 7,5 miljonaŭ čałaviek.
Assemblea Nacional Catalana była stvoranaja ŭ 2011 hodzie jak niepartyjnaja asambleja, što łučyć prychilnikaŭ niezaležnaści. U jaje ŭvachodzić 41 tysiača siabroŭ i jašče 36 tysiač vałancioraŭ.
Mienavita Òmnium Cultural i Assemblea Nacional Catalana stajali za apošniaj chvalaj niezaležnickich demanstracyj. Heta jany mabilizavali ludziej na abaronu vybarčych učastkaŭ, kali Madryd adpraviŭ śpiecnaz, kab sarvać refierendum ab niezaležnaści Katałonii.
53-hadovy ŭniviersitecki prafiesar Sančes i 52-hadovy pradprymalnik Kuisart rabili staŭku na niehvałtoŭnaje zmahańnie. Ich aryšt stavić katałonskich niezaležnikaŭ pierad nieabchodnaściu vybaru novaj taktyki dziejańnia.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary