Prapanova ministra ŭnutranych spraŭ Tomasa de Meźjera ab uviadzieńni isłamskich śviataŭ u asobnych rehijonach Hiermanii znajšła padtrymku ŭ Centralnym kamitecie niamieckich katalikoŭ (ZdK), paviedamlaje DW.
«U hramadstvie z mnostvam relihijnych supołak u miascovaściach z vysokaj dolaj viernikaŭ musulman siarod žycharoŭ moža źjavicca isłamskaje śviata, i heta nie parušyć chryścijanskuju tradycyju našaj krainy», — zajaviŭ kiraŭnik kamiteta Tomas Šternbierh. Pa jaho słovach, kalandar śviataŭ nie źjaŭlajecca «ni muziejnaj kaštoŭnaściu, ni prostaj čaradoj vychadnych dzion, a adlustroŭvaje bahaćcie jeŭrapiejskich tradycyj».
Pry hetym pieravažnaja bolšaść niemcaŭ vystupaje suprać uviadzieńnia ŭ krainie musulmanskich śviataŭ. Pra heta śviedčyć apytańnie, praviedzienaje sacyjałahičnaj słužbaj Insa na zamovu haziety Bild. Siem ź dziesiaci apytanych (70,1%) suprać prapanovy kiraŭnika MUS, paviedamiła vydańnie ŭ aŭtorak. I tolki 7,8% respandentaŭ padtrymlivajuć ideju ŭviadzieńnia musulmanskich śviatočnych dzion. Apytańnie było praviedzienaje z 13 pa 16 kastryčnika.
Ciapier čytajuć
Łukašenka niervova prakamientavaŭ vizit Cichanoŭskaj u Kijeŭ35
Kamientary