Šeść mabilnych dadatkaŭ, jakija raznastajać vaša žyćcio
My sabrali niekalki karysnych papularnych dadatkaŭ. Spadziajomsia, jany sprościać vaša žyćcio i zrobiać jaho bolš cikavym. Pajechali!
1. Water Balance
Hety dadatak pryznačany dla adsočvańnia ŭzroŭniu vady ŭ arhaniźmie. Vada — vielmi nieabchodny dla našaha zdaroŭja pradukt, jaki pastaŭlaje našym kletkam kisłarod i nasyčaje arhanizm pažyŭnymi mikraelemientami. Dadatak padličyć nieabchodnuju kolkaść vady mienavita vašamu arhanizmu i nahadaje, kali pryjšoŭ čas papoŭnić arhanizm vadoj.
2. 30 Day Fitness Challenge
Hety dadatak źmiaščaje roznyja kompleksy chatnich fitnes-zaniatkaŭ na kožny dzień miesiaca. Treniroŭki pracujuć na ŭsie hrupy ciahlicaŭ.
3. Lifesum: Diet & Health Plan
Hety dadatak — adzin z samych papularnych siarod tych, chto žadaje pazbavicca ad lišnich kiłahramaŭ. Ale karysny jon budzie taksama i tym, chto kłapocicca pra zdarovaje charčavańnie.
Jak tolki ŭviadziecie svaje pakazčyki, dadatak zrobić prahnoz terminaŭ, u jakija vy zmožacie dasiahnuć pastaŭlenaj mety. Hałoŭnaje — fiksavać usio, što było źjedziena i zroblena na praciahu dnia. U bazie dadzienych Lifesum jość šmat praduktaŭ z padrabiazna apisanym składam i kolkaściu kałoryj. Nakolki dzień byŭ efiektyŭnym u płanie fizičnych nahruzak, dadatak prainfarmuje ŭviečary. Jon vystavić adznaku i ŭklučyć dadzienyja ŭ hrafik, što adlustroŭvaje vaš stan na dadzieny momant.
4. Tandem
Samaje hałoŭnaje ŭ vyvučeńni luboj zamiežnaj movy — praktyka. Hety mabilny dadatak ciapier imkliva nabiraje papularnaść, jon dapamahaje praktykavać tuju movu, jakuju vy vyvučajecie. Treba stvaryć akaŭnt i paznačyć, jakoj movaj vy vałodajecie i jakuju vyvučajecie. Prahrama budzie padbirać vam ludziej, jakija majuć tyja ž moŭnyja intaresy, što i vy.
Taksama jość mahčymaść płatna zajmacca z nośbitami movy. Takija ž płatnyja zaniatki možacie pravodzić i vy dla tych, chto vyvučaje movu, jakoj vy daskanała vałodajecie.
5. yoCard
yoCard — heta dadatak dla zachoŭvańnia ŭsich dyskontnych i bonusnych kartak u smartfonie. Usio prosta: dadajcie dyskontnuju kartku ŭ yoCard, zapuścicie dadatak i pakažycie ekran pradaŭcu pry raźliku. Heta pazbavić vas nieabchodnaści nasić z saboj vialikuju kolkaść roznych kartak ad roznych kramaŭ padčas šopinhu.
6. Monefy
Vaš piersanalny mieniedžar vydatkaŭ. Zapisvajcie svaje dachody i vydatki, raźmiarkoŭvajcie ich pa roznych katehoryjach, kab zaŭsiody kantralavać ułasnyja abo siamiejnyja finansy. Dadatak sistematyzuje ŭviedzienyja danyja, azdablaje ich malunkami i hrafikami.
U niekatorych dadatkach mohuć być ubudavanyja dadatkovyja płatnyja servisy.
Kamientary