Ad čaćviarha ŭ niekatorych minskich barach i kaviarniach budzie prezientavany novy hatunak ad minskaha mini-brovara «Taler». Nazvanaje piva vielmi pravakatyŭna — #sabčakprezident.
Piva vykanana ŭ styli «dvajny IPA». Heta mocna achmieleny bledny el. Chmiel dadaje pivu mocnuju duchmianaść i harčynku. Dvajny IPA bolš mocny za zvyčajny. Jak praviła, pracent utrymańnia ałkahola ŭ takim styli bolš za 7%.
«Chto pavinšuje rasijan z Novym 2019 hodam, vy daviedajeciesia paźniej, a pakul atrymlivajcie asałodu ad vydatnaha piva, i, jak toj kazaŭ… niachaj uvieś śviet pačakaje», — napisali pradstaŭniki «Talera» pra novy hatunak.
Mini-bravarnia «Taler» była zasnavanaja ŭ 2011 hodzie. Nazvanaja ŭ honar srebnaj maniety, jakaja była va ŭžytku na terytoryi VKŁ i Rečy Paspalitaj. Na emblemie pivavarni siaredniaviečnyja vieršniki ź miačami.
Pieršapačatkova «Taler» byŭ aryjentavany na bolš tradycyjnyja piŭnyja hatunki, adnak letaś pierafarmatavaŭsia na styli, charakternyja dla krafatavaj vytvorčaści.
«Taler» nie ŭpieršyniu epatuje publiku nazvami svaich hatunkaŭ. Sioleta jany ŭžo vypuścili amierykanski bledny el «Tramp» i portar «Žalezny Fieliks», pryśviečany Fieliksu Dziaržynskamu.
***
Na telehram-kanał «Našaj Nivy» možna padpisacca tut.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary