Pieršy namieśnik ministra infarmacyjnaj palityki Ukrainy Emine Džaparava admoviłasia pierachodzić na ruskuju movu padčas uklučeńnia ŭ žyvym efiry rasijskaha telekanała.
Žurnalisty «Doždia» vyrašyli ŭziać u čynoŭnicy kamientar adnosna vyzvaleńnia namieśnikaŭ staršyni Miedžlisa krymskatatarskaha naroda Ilmi Umierava i Achtema Čyjhoza.
Džaparava pačała adkazvać na ŭkrainskaj movie, paśla čaho viadučaja Hanna Manhajt pierapyniła jaje, patłumačyŭšy, što ŭ efiry adsutničaje pierakładčyk i paprasiła namieśnika ministra pierajści na ruskuju movu. U adkaz na heta Džaparava zajaviła, što jak aficyjnaja asoba moža razmaŭlać tolki na ŭkrainskaj movie.
«Ja prašu prabačeńnia, ale ja aficyjnaja asoba, tamu vymušanaja razmaŭlać na ŭkrainskaj movie. Heta moj śviadomy vybar. Prašu mianie prabačyć i zrazumieć maju movu», — skazała jana.
U vyniku čynoŭnica dała kamientar na ŭkrainskaj movie, a viadučaja «Doždia» pasprabavała pierakłaści słovy Džaparavaj hledačam.
Vylecieła ŭ nieviadomym kirunku śpikierka KR Anžalika Mielnikava30
Kamientary